فوتو: pinterest.com
ءىرى بيزنەس بەلسەندىلىگى قالپىنا كەلە باستادى
ۇلتتىق بانكتىڭ مالىمەتىنشە, 2025 جىلدىڭ III توقسانىندا بيزنەستىڭ نەسيەگە دەگەن جيىنتىق سۇرانىسى ارتقان. بۇل وسىمگە نەگىزىنەن ءىرى كاسىپورىندار اسەر ەتكەن.
-
ءىرى بيزنەس سەگمەنتىندەگى وتىنىمدەر سانى توقساندىق ەسەپپەن 19% ءوسىپ, 237-گە جەتتى.
-
دەگەنمەن, ءبىر ءوتىنىمنىڭ ورتاشا كولەمى 12,1 ملرد تەڭگەگە دەيىن 6% ازايعان.
ساراپشىلار بۇل ءۇردىستى ىسكەرلىك بەلسەندىلىكتىڭ قايتا جاندانۋىمەن جانە ءىرى بانكتەردە وتىنىمدەر سانىنىڭ كوبەيۋىمەن بايلانىستىرادى. سونىمەن قاتار, كەي بانكتەر شەتەل ۆاليۋتاسىنداعى قارىزدارعا سۇرانىستىڭ ارتقانىن بايقاعان.
ورتا بيزنەس باعىتىندا سۇرانىس تۇراقتى ساقتالسا, شاعىن بيزنەستە قالىپتى ءوسىم تىركەلدى. «ورلەۋ» باعدارلاماسى مەن «دامۋ» قورىنىڭ پورتفەلدىك كەپىلدىكتەرى كاسىپكەرلەرگە قولداۋ كورسەتەتىن نەگىزگى قۇرال بولىپ وتىر.
ورتا بيزنەس وتىنىمدەرى – 5,3 مىڭ (وزگەرىسسىز)
شاعىن بيزنەس وتىنىمدەرى – 999 مىڭ (+10%)
ءوتىنىم كولەمى – 27,7 ملن تەڭگە (–9%)
ماقۇلداۋ دەڭگەيى:
-
ءىرى بيزنەس – 53% (3 ت.پ.-عا تومەن)
-
ورتا بيزنەس – 36% (4 ت.پ.-عا ءوستى)
-
شاعىن بيزنەس – 36% (3 ت.پ.-عا ءوستى)
بانك سەكتورى IV توقساندا سۇرانىس دەڭگەيى ساقتالادى دەپ كۇتەدى, بىراق مولشەرلەمەلەردىڭ جوعارىلاۋىنا بايلانىستى شارتتار قاتايۋى مۇمكىن.
يپوتەكادا بەلسەندىلىك باسەڭدەدى, اۆتوكرەديتتە سۇرانىس جوعارى
2025 جىلدىڭ III توقسانىندا بولشەك نەسيەلەۋدە ارالاس ديناميكا بايقالدى.
يپوتەكاعا سۇرانىس جىلدىق ءتيىمدى مولشەرلەمەنىڭ 25%-دان 20%-عا تومەندەۋى تۋرالى نورمانىڭ ۋاقىتشا توقتاتىلۋىنا بايلانىستى وزگەردى.
-
يپوتەكالىق وتىنىمدەر سانى 288 مىڭ (+19%)
-
ورتاشا كولەم – 21 ملن تەڭگە (+21%)
بانكتەر بۇل وزگەرىس يپوتەكالىق ونىمدەردىڭ شارتتارىن قايتا قاراۋعا اكەلگەنىن ايتادى. ماقۇلداۋ كوەففيتسيەنتى 23%-عا دەيىن تومەندەدى.
كەپىلدى تۇتىنۋشىلىق نەسيە
-
وتىنىمدەر سانى – 94 مىڭ (+94%)
-
ورتاشا كولەم – 12 ملن تەڭگە (–21%)
-
ماقۇلداۋ دەڭگەيى – 22% (–23 ت.پ.)
وسىمگە ورتا بانكتەردىڭ جاڭا تسيفرلىق سەرۆيستەر ەنگىزۋى اسەر ەتكەن.
كەپىلسىز تۇتىنۋشىلىق نەسيە
سۇرانىس الدىڭعى توقسانعا قاراعاندا وزگەرگەن جوق. رەتتەۋشى ەنگىزگەن جاڭا تالاپتار دا اسەرىن تيگىزدى:
-
مەرزىمنىڭ 5 جىلعا دەيىن قىسقارۋى;
-
جاس شەكتەۋلەرى (21 جاسقا دەيىن جانە 55 جاستان جوعارى);
-
«سۋىتۋ كەزەڭى»;
-
نەسيە تاريحى جوق تۇلعالاردىڭ بانككە كەلۋ مىندەتى.
-
وتىنىمدەر سانى – 17,2 ملن (–6%)
-
ورتاشا كولەم – 1,05 ملن تەڭگە (+7%)
-
ماقۇلداۋ دەڭگەيى – 32%
اۆتوكرەديتتەر
اۆتوسالوندار سۋبسيديالايتىن باعدارلامالاردىڭ اسەرى ءالى سەزىلىپ وتىر.
وتىنىمدەر سانى – 1,52 ملن (وزگەرىسسىز)
ورتاشا كولەم – 6,9 ملن تەڭگە (–5%)
ماقۇلداۋ دەڭگەيى – 17% (–2 ت.پ.)
بانك بولجامىنشا, IV توقساندا يپوتەكا, اۆتوكرەديت جانە كەپىلسىز نەسيەلەرگە سۇرانىس ازداپ تومەندەيدى. كەپىلمەن بەرىلەتىن تۇتىنۋشىلىق نەسيەگە سۇرانىس سول دەڭگەيدە ساقتالماق.
ساۋالناماعا كىمدەر قاتىسقان؟
2025 جىلعى II توقسانداعى كرەديتتىك شولۋ 21 ەكىنشى دەڭگەيلى بانكتىڭ قاتىسۋىمەن جۇرگىزىلگەن. ۇلتتىق بانك بۇل ساۋالنامانى توقسان سايىن وتكىزەدى, نەگىزگى ماقسات – نەسيە نارىعىنداعى سۇرانىس پەن ۇسىنىستىڭ قالاي وزگەرىپ جاتقانىن باعالاۋ.
