الماتى وبلىسى پوليتسيا دەپارتامەنتىنىڭ ەكسترەميزمگە قارسى كۇرەس باسقارماسى مەن جەدەل تەرگەۋ توبى جانە پروكۋراتۋرانىڭ سوتقا دەيىنگى تەرگەۋ باسقارماسى قاڭتار وقيعاسى كەزىندە جوعالعان اتىس قارۋىن تاپتى.
الماتى قالاسىنىڭ جەتىسۋ اۋدانىندا جانسۇگىروۆ كوشەسىنىڭ بويىنداعى ۇلكەن الماتى كانالىنىڭ جانىنداعى بوس عيماراتتىڭ ىشىندە تەگىس ۇڭعىلى 12 كاليبرلى اتىس قارۋى تابىلدى. تابىلعان اتىس قارۋىن كريمينالدىق جانە ۇرلانعان قارۋلار بازاسىنان سەريالىق نومىرىمەن تەكسەرۋ بارىسىندا جوعالعان قارۋ ەكەنى راستالدى. بۇل قارۋ 2022 جىلى قاڭتاردا الماتىداعى س.سەيفۋللين كوشەسىندەگى «ورۋجەينيك» دۇكەنىنەن جوعالعان.
اتالعان فاكتى بويىنشا قىلمىستىق كودەكستىڭ 287-بابىنىڭ 3-بولىگىمەن قىلمىستىق ءىس قوزعالدى.
