تەاتر ۇجىمدارى قوعام مەن جاستارعا قاتىستى وزەكتى ماسەلەلەردى, تۇرمىستىق قۇقىق بۇزۋشىلىقتاردىڭ سەبەپ-سالدارىن كوركەم ساحنالىق تىلمەن جەتكىزىپ, كورەرمەنگە تەرەڭ وي سالدى. سالتاناتتى جيىندا باسقارما باسشىسى ولجاس بەيسەنباەۆ ساكەن سەيفۋلليننىڭ «تەاتر – سوقىر ادام ەستۋ ارقىلى, قۇلاعى ەستىمەيتىن ادام كوزبەن كورۋ ارقىلى جۇرەكتەن ۇعىناتىن دۇنيە بولۋ كەرەك» دەگەن ءسوزىن مىسالعا كەلتىرىپ, تەاتردىڭ تاربيەلىك مانىنە توقتالدى ءارى جاستاردىڭ شىعارماشىلىق باستامالارىنا قولداۋ كورسەتىلەتىنىن ايتتى.
فەستيۆال قورىتىندىسى بويىنشا باس جۇلدە – م.اۋەزوۆ اتىنداعى پەداگوگيكالىق كوللەدجدىڭ «ەس ايماق» ستۋدەنتتىك تەاترى, II ورىن – سارسەن امانجولوۆ اتىنداعى شىعىس قازاقستان ۋنيۆەرسيتەتىنىڭ «شابىت» جاستار تەاترى, III ورىن – ءاليحان بوكەيحان ۋنيۆەرسيتەتىنىڭ «ۇركەر» ونەر ورتالىعى يەلەنسە, ارنايى اتالىمدار بويىنشا: «ۇزدىك رەجيسسۋرا» – يسلام ءازيزوۆ, «ۇزدىك ەر ادام بەينەسى» – عيزات تەمىرلان (بيزنەس جانە سەرۆيس جوعارى كوللەدجى), «ۇزدىك ايەل ادام بەينەسى» – انەل اقتاەۆا (سارسەن امانجولوۆ اتىنداعى شقۋ) ماراپاتتالدى.
جۇلدەلى ورىنعا يە بولعان بارلىق جەڭىمپازعا قارجىلاي سىيلىقتار مەن سەرتيفيكات تابىستالدى.
اباي وبلىسى
