فوتو: ەنەرگەتيكا مينيسترلىگى
مينيسترلىكتىڭ مالىمەتىنشە, وسى ماقساتتا وتاندىق تاۋار وندىرۋشىلەردى ىلگەرىلەتۋگە باعىتتالعان مەملەكەتتىك قولداۋ شارالارىنىڭ قاعيدالارىنا وزگەرىستەر ەنگىزىلدى.
«ەندى وتاندىق وندىرۋشىلەردىڭ حالىقارالىق سەرتيفيكاتتاۋدان ءوتۋدى وتەۋ شەگى 3000 اەك-تەن 15 000 اەك-كە دەيىن ءوسىرىلدى. باعدارلامانىڭ جالپى بيۋدجەتى 2 ملرد تەڭگەدەن اسادى. بۇل شارالار شىعىنداردى 60 ملن تەڭگەگە دەيىن وتەۋگە مۇمكىندىك بەرەدى», دەلىنگەن حابارلامادا.
قوسىمشا قولداۋ بيزنەسكە تۇسەتىن قارجىلىق اۋىرتپالىقتى ازايتىپ, سەرتيفيكاتتاۋ كەزىندەگى تاۋەكەلدەردى تومەندەتەدى.
حالىقارالىق سەرتيفيكاتتارعا يە بولۋ وتاندىق وندىرۋشىلەرگە مۇناي-گاز وپەراتورلارىنىڭ ساتىپ الۋلارىنا كەڭىرەك قاتىسۋعا جول اشادى. سونداي-اق, بۇل باستاما ەكسپورتتى ۇلعايتۋعا جانە يمپورتقا تاۋەلدىلىكتى ازايتۋعا ىقپال ەتەدى.
