فوتو: اشىق دەرەككوز
اتا-انالاردىڭ ايتۋىنشا, ورتالىقتاعى وقۋ پروتسەسى ۋادە ەتىلگەن دەڭگەيگە سايكەس بولماعان, ساباقتار ءجيى كەيىنگە شەگەرىلگەن. ولار كەلىسىمشارتتى بۇزىپ, تولەمدى قايتارۋدى سۇراعان. اتا-انالارعا قاراجات 30 كۇن ىشىندە قايتارىلادى دەپ ايتىلعان. كەيىن بۇل مەرزىم وتكەن سوڭ ورتالىق وتەماقى قايتارىلاتىن كۇندەر كورسەتىلگەن «گارانتيالىق حاتتار» بەرگەن. الايدا, قاراجات يەلەرىنە قايتارىلماعان.
كەيىن ورتالىق قىزمەتكەرلەرى مۇلدە بايلانىسقا شىقپاي, ال باس كەڭسەلەر جابىلعان نەمەسە باسقا جەرگە كوشىرىلگەن.
اتا-انالار پوليتسياعا جاپپاي ارىزدانعان. بىراق العاشقى وتىنىشتەر قارالماي قالعان سوڭ, 70-تەن استام ادامنىڭ قولى قويىلعان ۇجىمدىق ارىز جولداندى. وسىدان كەيىن ءىس الماتى قالاسىنىڭ سوتقا دەيىنگى تەرگەپ-تەكسەرۋدىڭ بىرىڭعاي تىزىمىنە ەنگىزىلدى. پوليتسيا دەپارتامەنتى اتا-انالاردىڭ وتىنىشتەرى بويىنشا قىلمىستىق ءىس تەرگەلىپ جاتقانىن راستادى.
Tesla Education Instagram پاراقشاسىندا رەسمي مالىمدەمە جاريالادى.
ء«بىز ەشقايدا جاسىرىنعان جوقپىز. بايلانىستامىز, ماسەلەنى شەشۋ باعىتىندا جۇمىس ىستەپ جاتىرمىز… كومپانيا ەشقاشان الاياقتىق جاسامادى. قىزمەتكەرلەر ءوز مىندەتتەرى مەن رەگلامەنتتەر شەڭبەرىندە عانا ارەكەت ەتتى. بۇل جاعدايعا تۇسىنىستىكپەن قاراۋدى سۇرايمىز», دەلىنگەن حابارلامادا.
سونداي-اق ورتالىق بارلىق اتا-انالارعا قاراجات تولىق قايتارىلاتىنىن ۋادە ەتتى.
«قازىر تولەمدەردى قايتاراتىن اشىق ءارى ناقتى كەستە ازىرلەنىپ جاتىر. كەلەسى اپتادا ءار اتا-اناعا جەكە گرافيك جولدانادى», دەپ جازدى ورتالىق.
