فوتو: قورعانىس مينيسترلىگى
جوباعا زور دايىندىقپەن كەلگەن ول العاشقى ءانىن ورىنداعاننان-اق 3 بىردەي تالىمگەردىڭ نازارىن وزىنە اۋدارتتى.
«قازاقستاندى ۇلكەن ساحنادا تانىستىرۋ – مەن ءۇشىن ۇلكەن مارتەبە. ءار ءانىمدى جۇرەگىممەن ورىندايمىن, ادامدار مەنىڭ وتانعا دەگەن سۇيىسپەنشىلىگىمدى سەزىنسە دەيمىن», دەدى جاس ءانشى.
قورعانىس مينيسترلىگىنىڭ مالىمەتىنشە, 12 جاستاعى الماتىلىق جاسمينا تۇزەلوۆا اۋعان سوعىسى ارداگەرى مۇراتبەك وتەەۆتىڭ وتباسىندا دۇنيەگە كەلگەن. ۆوكالمەن اينالىسۋدى 5 جاسىنان باستاعان. 8 جاسىندا ۇلتتىق «بالا داۋىسى» بايقاۋىندا باس جۇلدەنى جەڭىپ الدى. 2023 جىلى جاسمينا حالىقارالىق «بالالاردىڭ جاڭا تولقىنى» فەستيۆالىنىڭ فينالىندا تاماشا ونەر كورسەتكەن. ال 2025 جىلى ورتالىق اسكەري وركەستر مەن ورتالىق انسامبل ۇجىمىمەن بىرگە جەڭىستىڭ 80 جىلدىعىنا ارنالعان «سپاسسك مۇناراسى» XVII حالىقارالىق اسكەري-مۋزىكالىق فەستيۆالىنە قاتىستى. قىزىل الاڭدا ول اڭىزعا اينالعان ء«اليا» انىمەن كورەرمەندەردى تامساندىردى.
«جاسمينا كىشكەنتايىنان شىعارماشىلىققا جاقىن. ونىڭ ءاربىر جەڭىسى – ۇلكەن ەڭبەكتىڭ ناتيجەسى. قىزىمىزدىڭ باسقا بالالارعا شابىت بەرىپ, وزىنە سەنۋگە ۇيرەتىپ جۇرگەنىنە قۋانىشتىمىز», دەيدى اناسى گۇلزيا وتەەۆا.
