فوتو: اشىق دەرەككوز
جەكە ينتەرنات اشىلا ما؟
«اقتوبە» كلۋبىن جەكەشەلەندىرۋ تۋرالى كەلىسىم جاسالعانى بەلگىلى بولدى. كوماندانىڭ جانكۇيەرلەرى قۇرامداعى وزگەرىستەر مەن فۋتبول ينتەرناتىنىڭ اشىلۋ مۇمكىندىگى جونىندە بولجاي باستاعانىمەن, بۇل باعىتتاعى ناقتى اقپارات ازىرگە جاريالانعان جوق.
كلۋبتىڭ بولاشاعىنا قاتىستى ۇيىمداستىرۋشىلىق ماسەلەلەر مەن ينۆەستيتسيا كولەمى 2026 جىلدىڭ قاڭتارىندا تالقىلانباق.
ەستەرىڭىزگە سالا كەتەيىك, قاراشا ايىنىڭ باسىندا «اقتوبەنى» جەكە مەنشىككە بەرۋ تۋرالى العاشقى مالىمەت شىققان ەدى. وبلىس اكىمى اسحات شاحاروۆ شەشىم جىل سوڭىنا دەيىن قابىلداناتىنىن ايتىپ, بىراق ناقتى ينۆەستوردىڭ كىم ەكەنىن جاريالامادى.
باسقا كلۋبتارعا كىمدەر يەلىك ەتەدى؟
وسىلايشا, «اقتوبە» سوڭعى جىلدارى جەكە يەلىككە وتكەن كلۋبتاردىڭ قاتارىنا قوسىلىپ وتىر. بۇعان دەيىن «قايساردىڭ» ينۆەستورى – «TAU Group Ltd» وكىلى يسلامعالي قوزباقوۆ, «قىزىلجاردىڭ» جاڭا يەسى – كاسىپكەر سەرگەي كان, ال, «جەڭىس» كلۋبىنىڭ ينۆەستورى – كاسىپكەر ميحايل لومتادزە بولعانى ءمالىم بولدى.
ايتا كەتەيىك, نۇرلان ارتىقباەۆ 2025 جىلدىڭ مامىرىندا العاش رەت Forbes Kazakhstan تىزىمىنە ەنگەن. ول 228 ملن دوللارلىق بايلىعىمەن ەلدەگى ەڭ داۋلەتتى كاسىپكەرلەرىنىڭ قاتارىنا كىرىپ, رەيتينگتە 44-ورىنعا جايعاسقان. Qazaq Stroy كومپانياسىنان بولەك, كاسىپكەر «Telecom Systems Ltd» كومپانياسىنىڭ يەسى. بۇل كومپانيا «قازاحتەلەكوم» اكتسيالارىنىڭ شامامەن 10 پايىزىنا يە.
تاعى قانداي كلۋبتار وليگارحتارعا بەرىلەدى؟
وتاندىق فۋتبول كلۋبتارىنىڭ كوممەرتسيالىق باعىتقا قاراي كوش تۇزەۋى بيىل جۇيەلى جۇزەگە اسىرىلا باستادى. بۇل ماسەلەنى پرەزيدەنت بيىلعى جولداۋىندا دا ايتىپ وتكەن بولاتىن. باسەكەلەستىكتى قورعاۋ جانە دامىتۋ اگەنتتىگىنىڭ حابارلاۋىنشا, «استانا», «اتىراۋ», «ورداباسى», «تۇران», «كاسپي» فۋتبول كلۋبتارى دا جەكەشەلەندىرۋگە ۇسىنىلعان ۇيىمداردىڭ تىزىمىندە تۇر.
