ول 1939 جىلى 30 قازاندا قاراعاندى وبلىسى, قارقارالى اۋدانى, جاڭا نەگىز بولىمشەسى سارىتاۋ اۋىلىندا دۇنيەگە كەلگەن. 1959 جىلى قاراعاندى مۋزىكالىق ۋچيليششەسىندە وقىدى. وسى جىلدارى قاراعاندى قالاسىنىڭ س.سەيفۋللين اتىنداعى قازاق مۋزىكالىق دراما تەاترىندا اكتريسا رەتىندە قىزمەت اتقاردى.
1990 جىلى تسەلينوگراد قالاسىنىڭ اكىمشىلىگىنىڭ شاقىرۋىمەن قازىرگى قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ اشىلۋىنا اتسالىسىپ, وسى كۇنگە دەيىن ەڭبەك ەتىپ كەلدى. رىمكەش ومارحانوۆا ءوزىنىڭ ونەر سالاسىنداعى كوپ جىلعى ەڭبەگىندە كوپتەگەن ديپلوممەن, ماقتاۋ قاعازدارىمەن ماراپاتتالدى جانە وبلىستىق, اۋداندىق دەپۋتاتتىققا سايلاندى.
جارتى عاسىردان استام شىعارماشىلىق عۇمىرىندا ساحنادا 150-دەن اسا بەينەنى سومداپ شىعاردى.
اكتريسا ع.مۇسىرەپوۆتىڭ «قوزى كورپەش – بايان سۇلۋ» سپەكتاكلىندە ماقپالدى, «قىز جىبەكتە» تولەگەننىڭ اناسىن, اۋەزوۆتىڭ «قاراكوزىندە» ءمورجاندى, «ەڭلىك-كەبەكتە» ەڭلىكتى, ايتماتوۆتىڭ «انا-جەر-اناسىندا» تولعانايدى, «اق كەمەدە» كەمپىردى سومدادى.
2014 جىلى «قۇرمەت» وردەنىمەن ماراپاتتالدى. 2024 جىلى پرەزيدەنت جارلىعىمەن مەملەكەتىمىزدىڭ مادەني دامۋىنا قوسقان ەلەۋلى ۇلەسى ءۇشىن «قازاقستاننىڭ ەڭبەك سىڭىرگەن قايراتكەرى» اتاعىمەن ماراپاتتالدى.
