فوتو جي كومەگىمەن جاسالدى
رەسەي فەدەراتسياسىنىڭ سامارا وبلىسىنان قىزىلوردا وبلىسىنا بەت العان جۇك كولىگى مىندەتتى تەكسەرۋ ءۇشىن توقتاتىلعان. ءجىتى تەكسەرۋ كەزىندە جۇكتە قۇجاتتارى تالاپقا ساي كەلمەيتىن 20 توننا قۇس ەتى بار ەكەنى انىقتالدى.
ماسەلەن, اتالعان ءونىمدى شىعارعان كاسىپورىن ەاەو رەەسترىنە كىرەتىن جانە قازاقستان اۋماعىنا جانۋارلاردان الىناتىن ءونىمدى ەكسپورتتاۋعا رۇقسات بەرىلگەن ۇيىمدار تىزىمىندە جوق بولىپ شىقتى.
ۆەتەريناريالىق-سانيتاريالىق تالاپتاردىڭ بۇزىلۋىنا بايلانىستى جۇك كولىگى ءونىم جونەلتىلگەن ەلگە كەرى قايتارىلدى. كولىك جۇرگىزۋشىسىنە اكىمشىلىك حاتتاما تولتىرىلىپ, ايىپپۇل سالىندى.
جىل باسىنان بەرى باتىس قازاقستان وبلىسى اۋماعىندا ۆەتەريناريالىق زاڭنامانى بۇزۋدىڭ 204 فاكتىسى انىقتالدى. تەكسەرىستەر ناتيجەسىندە 204 كولىك كەرى قايتارىلىپ, 130 اكىمشىلىك حاتتاما راسىمدەلدى. سالىنعان ايىپپۇلداردىڭ جالپى سوماسى 11 ملن تەڭگەدەن اسادى.
