فوتو: gov.kz
پولياك دەلەگاتسياسىنىڭ قۇرامىنا پولشانىڭ باس ۆەتەريناريالىق دارىگەرى پاۆەل مەيەر, ۇلتتىق اۋىل شارۋاشىلىعىن قولداۋ ورتالىعىنىڭ باس ديرەكتورى حەنرىك يۋزەف سمولاج جانە ءتيىستى ۆەدومستۆولاردىڭ باسقا دا وكىلدەر بولدى. قازاقستان تاراپىنان كەزدەسۋگە قر اشم ۆەتەريناريالىق باقىلاۋ جانە قاداعالاۋ كوميتەتىنىڭ قىزمەتكەرلەرى قاتىستى.
كەلىسسوز بارىسىندا تاراپتار ۆەتەريناريا سالاسىنداعى جانە جانۋارلاردان الىناتىن ونىمدەردىڭ قاۋىپسىزدىگىن قامتاماسىز ەتۋ باعىتىنداعى ىقپالداستىق ماسەلەلەرىن تالقىلادى. اسىرەسە, قازاقستاندىق جانە پولياك كاسىپورىندارىندا ينسپەكتسيالار جۇرگىزۋ, وڭىرلەندىرۋ قاعيداتىن قولدانۋ, سونداي-اق اۋىل شارۋاشىلىعى ونىمدەرىنىڭ يمپورتى مەن ترانزيتىنە قاتىستى قولدانىستاعى شەكتەۋلەرگە باسا نازار اۋدارىلدى.
امانعالي بەردالين ەكى ەل اراسىنداعى ارىپتەستىكتى نىعايتۋدىڭ ماڭىزدىلىعىن اتاپ ءوتتى:
«قازاقستان پولشا تاراپىمەن ۆەتەريناريالىق باقىلاۋ جانە اگرارلىق ساۋدا باعىتىندا ىنتىماقتاستىقتى كۇشەيتۋگە مۇددەلى. ءبىز سىندارلى ديالوگقا, تاجىريبە الماسۋعا جانە راسىمدەردىڭ اشىقتىعىن ارتتىرۋعا دايىنبىز. بۇل جانۋارلاردان الىناتىن ونىمدەردىڭ جوعارى دەڭگەيدەگى قاۋىپسىزدىگىن بىرلەسە قامتاماسىز ەتۋگە مۇمكىندىك بەرەدى», دەدى ۆيتسە-مينيستر.
ياتسەك چەرنياك ءوز كەزەگىندە پولشا ونىمدەرىنىڭ قازاقستاندىق نارىققا قولجەتىمدىلىگىن كەڭەيتۋگە كوڭىل ءبولىپ, ەپيزووتيالىق احۋال بويىنشا وزەكتى اقپاراتتاردى ۇسىنۋ ماڭىزدىلىعىنا توقتالدى.
كەزدەسۋ قورىتىندىسى بويىنشا تاراپتار ءوزارا ءىس-قيمىلدى جالعاستىرۋعا, اقپارات الماسۋدى كۇشەيتۋگە جانە ۆەتەريناريا مەن جانۋارلاردان الىناتىن ونىمدەردىڭ قاۋىپسىزدىگى سالاسىندا ەكى مەملەكەتتىڭ قۇزىرەتتى ورگاندارى اراسىنداعى ىنتىماقتاستىقتى نىعايتۋعا دايىن ەكەندەرىن جەتكىزدى.
