فوتو جي كومەگىمەن جاسالدى
ونەركاسىپ جانە قۇرىلىس مينيسترلىگى «اشىق نقا» پورتالىندا «اپاتتىق-ديسپەتچەرلىك قىزمەت» كاسىبي ستاندارتىنىڭ جوباسىن جاريالادى. جوبا اپات كەزىندە ارەكەت ەتەتىن بريگادالاردىڭ جۇمىسىن, ولاردىڭ بىلىكتىلىك دەڭگەيىن جانە قانداي مىندەت اتقاراتىنىن ناقتىلايتىن ورتاق تالاپتاردى بەلگىلەۋدى كوزدەيدى.
ۇسىنىلعان جاڭا ستاندارت بىرنەشە ماماندىق بويىنشا كاسىبي دەڭگەيلەردى رەتتەيدى. اتاپ ايتقاندا:
– كوممۋنالدىق قىزمەت ديسپەتچەرى (5-دەڭگەي);
– اپاتتىق-قالپىنا كەلتىرۋ جۇمىستارىنىڭ سلەسارى (3-دەڭگەي);
– اپاتتىق-قالپىنا كەلتىرۋ پۋنكتىنىڭ ماستەرى (5-دەڭگەي);
– سلەساردىڭ 2-دەڭگەيدەگى بىلىكتىلىگى;
– جالپى پروفيلدەگى ديسپەتچەر (4-دەڭگەي).
مينيسترلىكتىڭ ايتۋىنشا, بۇل ستاندارت وقۋ ورىندارى مەن كاسىپورىندار ءۇشىن بىرىڭعاي تالاپ ورناتىپ, اپاتتىق بريگادالاردا جۇمىس ىستەيتىن مامانداردى دۇرىس دايارلاۋعا مۇمكىندىك بەرەدى. ياعني اپاتتى جاعداي تۋىنداعاندا ينجەنەرلىك جۇيەلەردىڭ قاۋىپسىز ءارى توقتاۋسىز جۇمىسىن قامتاماسىز ەتۋگە قاجەتتى كادر دايىن بولادى.
جوبا قابىلدانسا, الەۋمەتتىك نەمەسە ەكونوميكالىق جاعىنان قوسىمشا سالماق تۇسىرمەيدى دەپ جوسپارلانىپ وتىر.
