ەسەپكە سايكەس, برازيليانىڭ بەلەم قالاسىندا وتكەن بۇۇ كليماتتىق كونفەرەنتسياسىندا ادامدار مەن پلانەتانى كليماتتىق داعدارىستىڭ سالدارىنان قورعاۋعا, ەكولوگيالىق ادىلدىكتى نىعايتۋعا جانە تۇراقتى بولاشاقتى قامتاماسىز ەتۋگە باعىتتالعان بىرقاتار ماڭىزدى باستامالار ۇسىنىلدى.
اتاپ ايتقاندا, بىرىككەن ۇلتتار ۇيىمىنىڭ قورشاعان ورتانى قورعاۋ باعدارلاماسى (UNEP) جانە سەرىكتەستەرى «ازىق-ت ۇلىك شىعىنىنداعى سەرپىلىس» (Food Waste Breakthrough) باستاماسىن باستادى. ونىڭ ماقساتى – جاھاندىق ازىق-ت ۇلىك قالدىقتارىن ەكى ەسە, مەتان شىعارىندىلارىن 7 پايىزعا ازايتۋ جانە 2030 جىلعا قاراي جاھاندىق اشتىقتى توقتاتۋ.
– الەم جىل سايىن باي جانە كەدەي ەلدەردە ۇلكەن كولەمدە ازىق-ت ۇلىك ىسىراپ ەتەدى. ازىق-ت ۇلىك قالدىقتارىن ازايتۋ اشتىقپەن كۇرەسۋ مەن مەتان شىعارىندىلارىن ازايتۋدىڭ كىلتى بولىپ تابىلادى, - دەدى UNEP باسشىسى ينگەر اندەرسەن.
جاھاندىق قورشاعان ورتانى قورعاۋ قورى قارجىلاندىراتىن جاڭا باعدارلاما ەلدەر مەن قالالارعا تاماق قالدىقتارى مەن مەتان شىعارىندىلارىن ازايتۋ بويىنشا ۇلتتىق ستراتەگيالاردى ازىرلەۋگە, دامۋشى ەلدەردە دالەلدەنگەن شەشىمدەردى بەيىمدەۋگە جانە كەڭەيتۋگە, سونداي-اق وسى سالاداعى حالىقارالىق ىنتىماقتاستىقتى نىعايتۋعا قولداۋ كورسەتەدى.
