زەرتحانا مالىمەتىنشە, بومبا F-35 جويعىش ۇشاعىنان تاستالىپ, بارلىق ۇشۋ سىناقتارى تولىق ءساتتى وتكەن. بۇل سىناقتار B61-12 تۇرلەندىرىلگەن بومباسىنىڭ قىزمەت مەرزىمىن ۇزارتۋ جونىندەگى كوپجىلدىق باعدارلامانىڭ قۇرامداس بولىگى سانالادى. اتالعان باعدارلاما 2024 جىلدىڭ سوڭىندا اياقتالىپ, بۇيىمنىڭ كەمىندە 20 جىل قاۋىپسىز پايدالانۋ كەپىلدىگى بەكىتىلگەن.
سىناق اياسىندا بومباعا العاش رەت F-35 جويعىشتارىندا تاسىمالداۋعا ارنالعان الدىن الا تەرميالىق دايىندىق جۇرگىزىلىپ, ونىڭ ناقتى وپەراتسيالىق جانە ەكولوگيالىق تالاپتارعا سايكەستىگى راستالدى.
Sandia مامانى دجەففري بويدتىڭ ايتۋىنشا, بۇل ۇشۋ سىناقتارى جوبانىڭ بارلىق قاتىسۋشىلارى جۇرگىزگەن كوپجىلدىق ەڭبەكتىڭ قورىتىندىسى بولىپ وتىر. ال پوليگون باسشىسى برايان ەدكينس سىناق بارىسىنداعى جوعارى دەڭگەيلى ۇيلەستىرۋ جۇمىستارى ءۇش نىساندى دا قاۋىپسىز باعالاۋعا مۇمكىندىك بەرگەنىن اتاپ ءوتتى.
Sandia زەرتحاناسىنىڭ, تونوپا پوليگونىنىڭ جانە اقش ااك-ءنىڭ بىرلەسكەن جۇمىسى F-35 ۇشاعىنىڭ دالدىگى مەن سەنىمدىلىگىن ءتۇرلى تاپسىرمالاردى ورىنداۋ كەزىندە كەشەندى تۇردە باعالاۋعا جول اشادى. سىناق ناتيجەلەرى ۇلتتىق قاۋىپسىزدىكتى ارتتىرۋعا باعىتتالعان تالداۋلاردا پايدالانىلماق.
