«مەملەكەتتىك جانە كۆازيمەملەكەتتىك كومپانيالاردىڭ كوممەرتسيالىق نەسيەلەندىرۋگە كىرىپ, ەكىنشى دەڭگەيلى بانكتەر ءۇشىن باسەكەلەس ەمەس جاعداي جاسايتىنىن كورىپ وتىرمىز. سەبەبى ولار مەملەكەتتىك قاراجات ەسەبىنەن ارزان مولشەرلەمە بەرە الادى. بۇل رەتتە كۆازيمەملەكەتتىك كومپانيالاردىڭ سىرتقى جانە ىشكى قارىزى بىرنەشە ەسە ءوسىپ, شامامەن 25 ملرد دوللاردى قۇرايدى. سوندىقتان بۇل جەردە وسى ءساتتى تەڭەستىرۋ قاجەت. قارجىلىق قىزمەتتەر, فينتەح-باعىتتار, ماركەتپلەيستەر جانە باسقا دا سەرۆيستەر جەكە سەكتوردا قالۋى ءتيىس», دەيدى ءۇمىت شاياحمەتوۆا.
ال ۇلتتىق بانك باسشىسى تيمۋر سۇلەيمەنوۆ الماتىداعى قارجىگەرلەر كونگرەسىندە «بايتەرەك» حولدينگىنىڭ جوبالارىنا جەكە قارجى ينستيتۋتتارىنىڭ قاتىسۋ مۇمكىندىگىن زەرتتەپ جاتقانىن ايتتى. باس بانكيردىڭ ايتۋىنشا, مەملەكەتتىك ينۆەستيتسيالاردىڭ جەكە ينۆەستيتسيالاردان باسىم بولۋى وتاندىق ەكونوميكانىڭ باسەكەگە قابىلەتتىلىگىنە كەرى اسەرىن تيگىزەدى. ونىڭ ايتۋىنشا, بۇل – اكۆازيمەملەكەتتىك قارجى ينستيتۋتتارى نارىقتان جەكەمەنشىك ينستيتۋتتاردى ىعىستىرماۋ ءۇشىن قابىلدانۋى مۇمكىن شارالاردىڭ ءبىرى. «بايتەرەك» تاياۋ جىلدارى كاسىپكەرلىكتى قولداۋعا, تۇرعىن ءۇي قۇرىلىسىن دامىتۋعا جانە نەگىزگى ۇلتتىق جانە ينۆەستيتسيالىق جوبالاردى ىسكە اسىرۋعا شامامەن 8 ترلن تەڭگە باعىتتاۋدى جوسپارلاپ وتىر.
