بۇل جاساندى ينتەللەكت كومەگىمەن مرت-سۋرەتتەردى 90%-عا دەيىنگى دالدىكپەن تالداپ, كاسىبي نەيروپسيحولوگپەن بىرگە دايىندالعان كوگنيتيۆتى تەستىلەردى ۇسىنادى. جۇيەگە ەنگىزىلگەن الگوريتمدەر جەكەلەندىرىلگەن ۇسىنىم بەرەدى. ال باستى ارتىقشىلىعى – پلاتفورمانى ونلاين جانە تەگىن پايدالانادى. بۇل مەديتسينالىق قىزمەت شەكتەۋلى وڭىرلەرگە وتە ءتيىمدى.
پايدالانۋشىلار پلاتفور-ما ارقىلى دەربەس پروفيلاكتيكالىق جوسپار جاسايدى. وندا ەستە ساقتاۋ قابىلەتىن جاتتىقتىرۋعا, ۇيقى مەن دۇرىس تاماقتانۋعا, سالاماتتى ءومىر سالتىن ۇستاۋعا بايلانىستى كەڭەستەر جازىلعان. بۇل اتالعان دەرتتىڭ ۇدەۋىن باياۋلاتىپ, ەگدە جاستاعىلارعا كومەگىن تيگىزەدى. ءبىر جاعىنان, دەنساۋلىق ساقتاۋ سالاسىنا تۇسەتىن سالماقتى ازايتادى.
جوبانىڭ اۆتورلارى – اسىرەتالى قايراتوۆ, ناريمان تويلىبەك, انەل يمانقۇلوۆا. جوبا جەتەكشىسى اسىرەتالى اتالعان جوبانى جاساۋعا ءبىر وقيعا سەبەپ بولعانىن ايتادى.
– ەكى جىل بۇرىن توپتاعى ءبىر قاتىسۋشىمىزدىڭ اتاسىندا ۇمىتشاقتىق دەرتى پايدا بولدى. الايدا ونى جاسىنا ءتان جاعداي دەپ ويلاعان. دارىگەرگە بارعاندا اۋرۋدىڭ كەش ساتىسى انىقتالىپ, ءبىراز ۋاقىت جوعالتىپ العانىن ايتقان. سول كەزدە التسگەيمەردى ۋاقتىلى انىقتاۋ قولجەتىمدى قۇرالسىز قانشالىقتى قيىن ەكەنىن تۇسىندىك. وسى جاعداي بىزگە «MemoryCare» پلاتفورماسىن جاساۋعا تۇرتكى بولدى, – دەدى ءا.قايراتوۆ.
ازامات قۇسايىن
