كەيىن ولار بۇل قاراجاتتى بانكتەر مەن ايىرباستاۋ پۋنكتتەرىندە از مولشەرمەن ءبولىپ-ءبولىپ, تۇپنۇسقا اقشاعا ايىرباستاپ وتىرعان. ناتيجەسىندە جالعان اقشانىڭ ءبىر بولىگى اينالىمعا ەنگىزىلگەن.
اتالعان الاياقتىق ارەكەت قۇقىق قورعاۋ ورگاندارىنىڭ نازارىنان تىس قالماعان. قىلمىستىق توپتىڭ بارلىق مۇشەسى ۇستالىپ, ءىس سوتقا جولداندى.
بىشكەك قالاسىنىڭ پەرۆوماي اۋداندىق سوتىنىڭ ۇكىمىمەن قازاقستان ازاماتى ە. قىرعىز رەسپۋبليكاسى قىلمىستىق كودەكسىنىڭ «الدىن الا ءسوز بايلاسۋ ارقىلى ادامدار توبى جاساعان, ءىرى كولەمدەگى اقشا مەن باعالى قاعازداردى قولدان جاساۋ» بابى بويىنشا كىنالى دەپ تانىلدى. سوت وعان جالپى رەجيمدەگى تۇزەۋ كولونياسىندا بەس جىل مەرزىمگە باس بوستاندىعىنان ايىرۋ جازاسىن تاعايىندادى. امنيستياعا سايكەس, وتەلمەگەن جازا مەرزىمى ۇشتەن بىرگە قىسقارتىلدى.
ونىڭ سىبايلاسى ج. دا ءدال وسى باپ بويىنشا كىنالى دەپ تانىلىپ, بەس جىلعا باس بوستاندىعىنان ايىرىلدى. وعان دا امنيستيا نەگىزىندە جازا مەرزىمى ۇشتەن بىرگە قىسقارتىلدى.
قىلمىستىق سحەماعا قاتىسقان قىرعىزستان ازاماتتارى قىلمىستى جاسىرۋ فاكتىسى بويىنشا كىنالى دەپ تانىلىپ, ارقايسىسىنا 50 مىڭ سوم (شامامەن 264 مىڭ تەڭگە) كولەمىندە ايىپپۇل سالىندى.
سونىمەن قاتار, بىشكەك قالالىق سوتىنىڭ قىلمىستىق ىستەر جانە قۇقىقبۇزۋشىلىقتار جونىندەگى سوت القاسى سوتتالعان قازاقستاندىقتاردى جازاسىن وتەگەننەن كەيىن قىرعىزستان اۋماعىنان شىعارۋ تۋرالى شەشىم قابىلدادى.
ايىپتالۋشىلار اپەللياتسيالىق شاعىم تۇسىرگەنىمەن, ءبىرىنشى ساتىداعى سوت ۇكىمى وزگەرىسسىز قالدىرىلدى.
