فوتو: ۆيدەودان الىنعان كادر
وقيعا ەلورداداعى «سارجايلاۋ» تۇرعىن ءۇي كەشەنى ماڭىندا بولعان. كۋاگەرلەر تۇسىرگەن بەينەجازبادا ەر ادامنىڭ جانىندا تۇرعان ايەلدى بىرنەشە رەت بەتى مەن دەنەسىنەن ۇرىپ-سوققانى بايقالادى. وقيعا كۋاگەرلەرى دەرەۋ پوليتسيا قىزمەتكەرلەرىن شاقىرعان.
استانا قالالىق پوليتسيا دەپارتامەنتىنىڭ حابارلاۋىنشا, وتباسىلىق-تۇرمىستىق جانجال فاكتىسى بويىنشا قىلمىستىق ءىس تىركەلگەن. كۇدىكتى ۇستالىپ, پوليتسيا بولىمىنە جەتكىزىلدى.
«ەلورداداعى تۇرعىن ۇيلەردىڭ ءبىرىنىڭ ماڭىندا 34 جاستاعى ەر ادام جۇبايىنا كۇش قولدانعان. قازىر ول ۋاقىتشا ۇستاۋ يزولياتورىنا قامالدى», دەلىنگەن رەسمي اقپاراتتا.
سونداي-اق پوليتسيا كۇدىكتىگە قاتىستى جابىرلەنۋشىمەن بايلانىس ورناتۋعا تىيىم سالعان.
