اگەنتتىك توراعاسى ءوز بايانداماسىندا ەىدۇ-عا 17 جىلدىق ىنتىماقتاستىعى ءۇشىن العىسىن بىلدىرە وتىرىپ, «ەىدۇ-نىڭ قازاقستانداعى قوعامدىق ادالدىق جونىندەگى شولۋى» جاريالانۋىن وسى ىنتىماقتاستىقتىڭ ماڭىزدى ناتيجەسى ەكەنىن ايتتى. بۇل قۇجات سىبايلاس جەمقورلىققا قارسى تەتىكتەردىڭ تۇراقتىلىعىن باعالايدى جانە 2022–2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىن ىسكە اسىرۋداعى ماڭىزدى كەزەڭ.
ء«بىز قۇندىلىقتار جۇيەسىن فورمالدى ورىنداۋشىلىقتان سانالى قىزمەت ەتۋگە كوشىرىپ جاتىرمىز», دەدى د.جازىقباي. ءوز سوزىندە اگەنتتىك توراعاسى پرەزيدەنت قاسىم-جومارت توقاەۆتىڭ مەملەكەتتىك باسقارۋ مادەنيەتىن وزگەرتۋ باعىتىنا باستاما كوتەرگەنى اتاپ ايتتى.
ونىڭ ايتۋىنشا, بۇل جۇمىستىڭ نەگىزگى ەلەمەنتى – بارلىق دەڭگەيدە ادالدىق جۇيەسىن قالىپتاستىرۋ. مەكتەپتەردە «ادال ازامات» باعدارلاماسى ەنگىزىلىپ جاتىر, جوعارى وقۋ ورىندارىندا اكادەميالىق ادالدىق مودۋلدەرى وقىتىلۋدا, ال مەملەكەتتىك قىزمەتشىلەر ءۇشىن ادەپ جانە سىبايلاس جەمقورلىققا قارسى ءىس-قيمىل بويىنشا ۇزدىكسىز وقىتۋ مىندەتتى نەگىزدە جۇزەگە اسىرىلىپ كەلەدى.
سونىمەن قاتار اگەنتتىك توراعاسى ەلىمىز سىبايلاس جەمقورلىقتىڭ سالدارىمەن كۇرەسۋدەن ونىڭ سەبەپتەرىن الدىن الۋعا باعىتتالعان جۇيەلى ترانسفورماتسيا جولىنا تۇسكەنىن اتاپ ءوتتى.
باياندامادا اتاپ وتىلگەندەي, قازاقستان ەىدۇ كەڭەسىنىڭ قوعامدىق ادالدىق جونىندەگى ۇسىنىمىنا قوسىلۋعا مۇددەلىلىك تانىتىپ وتىر. بۇل ءبىزدىڭ رەسپۋبليكامىزدىڭ بۇۇ, ەىدۇ جانە گرەكو ۇستانىمدارى مەن حالىقارالىق ستاندارتتارىن قولدايتىنىن ايعاقتايدى.
