جاڭا نىساننىڭ اشىلۋ راسىمىنە تەمىر جول سالاسىنىڭ قىزمەتكەرلەرى, «Astana Railway Services» جشس ديرەكتورى امانباي ايتجانوۆ, اۋليەكول اۋدانىنىڭ اكىمى جانسۇلتان تاۋكەنوۆ قاتىستى.
«جوبا تەمىرجول سالاسىن جاڭعىرتۋ ستراتەگياسى اياسىندا ىسكە اسىرىلىپ وتىر. جاڭا شەبەرحانا ءوڭىردىڭ وندىرىستىك الەۋەتىن دامىتۋعا, ەڭبەك ونىمدىلىگىن ارتتىرۋعا جانە جاڭا جۇمىس ورىندارىن قۇرۋعا باعىتتالعان. پرەزيدەنت ءوز جولداۋلارىندا ينجەنەرلىك-تەحنيكالىق كادرلاردى قولداۋدىڭ, وندىرىستىك ماماندىقتاردى دامىتۋدىڭ جانە جاڭا جۇمىس ورىندارىن قۇرۋدىڭ ماڭىزدى ەكەنىن بىرنەشە رەت اتاپ ءوتتى. تەمىر جول تورابى ءۇشىن اسا ماڭىزدى بۇل شەبەرحانانىڭ ىسكە قوسىلۋى – مەملەكەت پەن بيزنەستىڭ بىرلەسكەن كۇش-جىگەرىنىڭ ناتيجەسى. مۇندا جۇمىس ىستەيتىن قىزمەتكەرلەرگە جۇمىس ىستەۋگە, كاسىبي ءبىلىمىن جەتىلدىرۋگە جاعداي جاسالعان», دەدى امانباي ايتجانوۆ.
اۋليەكول اۋدانىنىڭ اكىمى جانسۇلتان تاۋكەنوۆ اتالعان جوبا اۋداننىڭ الەۋمەتتىك-ەكونوميكالىق دامۋىندا ماڭىزدى ەكەنىن ايتتى.
«مۇنداي ءوندىرىس ورىندارى ونەركاسىپتىڭ دامۋىنا, جۇمىس ورىندارىنىڭ كوپتەپ اشىلۋىنا جانە اۋىل تۇرعىندارىنىڭ تۇرعىنداردىڭ ءال-اۋقاتىنىڭ جاقسارۋىنا سەپتىگىن تيگىزەدى. جاڭا جۇمىس ورىندارى, تۇراقتى تابىس جانە ينفراقۇرىلىمعا سالىنعان ينۆەستيتسيالار تىكەلەي حالىق ءومىرىنىڭ ساپاسىنا اسەر ەتەدى», دەدى اكىم.
ارنايى جوعارى تەحنولوگيالىق قۇرىلعىلارمەن جابدىقتالعان شەبەرحانا جىلىنا 4 جارىم مىڭعا جۋىق ۆاگون دوڭعالاعىن كۇردەلى جوندەۋدەن وتكىزە الادى.
قوستاناي وبلىسى
