بالالار جەدەل جانە ءجىتى رەسپيراتورلىق ۆيرۋستىق ينفەكتسياعا ءجيى شالدىعۋدا. قازىردىڭ وزىندە وبلىستىق بالالار اۋرۋحاناسىندا جرۆي (جەدەل رەسپيراتورلىق ۆيرۋستىق ينفەكتسيا) جانە جرا (جەدەل رەسپيراتورلىق اۋرۋلار) دياگنوزىمەن 230-دان اسا بالا جاتقىزىلعان. دارىگەرلەردىڭ ايتۋىنشا, ۇيدە اۋىرىپ جاتقان بالالار دا كوپ. اتا-انالار بالالارىنىڭ قىزۋى ۇزاق ۋاقىت تۇسپەيتىنىنە الاڭداۋلى. كوپ جاعدايدا جوتەل قىسادى. جۇرتشىلىق اراسىندا «بۇل كوۆيدتىڭ ءبىر ءتۇرى» دەگەن اڭگىمە جەلدەي ەسىپ تۇر.
دەيتۇرعانمەن دارىگەرلەر بۇل ماۋسىمدىق سۋىق تيۋ اۋرۋلارى ەكەنىن ايتىپ, كوپشىلىكتىڭ الاڭداماۋىن سۇراپ وتىر.
- كۇزگى كەزەڭدە بىزدە ۆيرۋستىق رەسپيراتورلىق ينفەكتسيالار مەن تۇماۋ ماۋسىمى باستالادى. بۇل - ماۋسىمدىق ينفەكتسيا. بالالاردىڭ كوۆيد جۇقتىرعان وزگە بالالارمەن بىرگە جاتقانى تۋرالى راستالعان اقپارات جوق, - دەپ حابارلادى وڭىرلىك بالالار اۋرۋحاناسىنان.
بالالار اۋرۋحاناسىنىڭ مالىمەتىنشە, مۇندا كۇن سايىن 100-120 ناۋقاس بالا قابىلدانادى. بىراق بارلىعى اۋرۋحاناعا جاتقىزىلمايدى. قازىرگى كۇنى جۇقپالى اۋرۋلار ستاتسيونارىندا 236 بالا ەم الىپ جاتىر.
- ستاتسيونار تولىق قۋاتتا جۇمىس ىستەپ جاتىر, قاجەت بولعان جاعدايدا قوسىمشا توسەك-ورىندار ورنالاستىرۋعا دايىنبىز, - دەپ قوستى اۋرۋحانادان.
پاۆلودار وبلىسى
