دەنساۋلىق ساقتاۋ ءمينيسترىنىڭ ورىنباسارى تيمۋر مۇراتوۆتىڭ ايتۋىنا قاراعاندا, اتالعان باعىتتاعى جۇمىستار ناتيجەسىندە 4,9 مىڭنان اسا ءدارى ءتۇرىنىڭ باعاسى رەتتەلەدى.
ال مەديتسينالىق جانە فارماتسەۆتيكالىق باقىلاۋ كوميتەتىنىڭ توراعاسى باۋىرجان ءجۇسىپوۆ دارىحانالارداعى ءدارى-دارمەك باعاسىنا مونيتورينگ جۇرگىزىلەتىنىن جەتكىزدى.
«بىزدە كەلەسى جىلى ءدارى-دارمەك قىمباتتايدى دەگەن اقپارات جوق. ءبىز دارىحانالارداعى ءدارى-دارمەكتىڭ باعاسىنا مونيتورينگ جۇرگىزەمىز. قازان ايىنىڭ قورىتىندىسى بويىنشا ورتاشا ەسەپپەن حالىق ءجيى قولداناتىن 50 شاقتى دارىگە جۇرگىزىلگەن مونيتورينگ ناتيجەسىنە سايكەس, باعانىڭ ورتاشا العاندا 10-11 پايىزعا تومەندەگەنىن بايقادىق. بۇل ءۇردىس ءارى قاراي جالعاسادى دەپ ۇمىتتەنەمىز», – دەدى باۋىرجان ءجۇسىپوۆ.
