كونفەرەنتسياعا نورۆەگيا, كاتار, تۇركيا, ازەربايجان, قىرعىزستان, ارمەنيا, بەلارۋس, رەسەي جانە يۋنيسەف وكىلدەرى, سونداي-اق وقۋ-اعارتۋ مينيسترلىگى مەكتەپكە دەيىنگى ءبىلىم بەرۋ دەپارتامەنتىنىڭ, وتاندىق جوعارى وقۋ ورىندارىنىڭ, ءبىلىم باسقارمالارى مەن ادىستەمەلىك ورتالىقتاردىڭ جەتەكشىلەرى مەن ماماندارى قاتىستى. فورۋم بالالاردى ەرتە دامىتۋ ينستيتۋتىنىڭ قولداۋىمەن گيبريدتىك فورماتتا وتكىزىلدى.
كونفەرەنتسيانىڭ قۇرمەتتى قوناقتارى قاتارىندا «قارلىعاش» بالاباقشاسىن العاش اشۋعا اتسالىسقان جانە ءبىلىم بەرۋ ورتاسىنىڭ دامۋىنا ەلەۋلى ۇلەس قوسقان باسشىلار بولدى. ولاردىڭ تاجىريبەسى مەن العاشقى جىلدارداعى ەستەلىكتەرى ءداستۇر ساباقتاستىعىن كورسەتىپ, جيناقتالعان تاجىريبە مەن يننوۆاتسيالىق تاسىلدەر «قارلىعاشتا» قازىرگى مەكتەپكە دەيىنگى ءبىلىم بەرۋ باعىتتارىنىڭ قالىپتاسۋىنا قالاي اسەر ەتكەنىن باعالاۋعا مۇمكىندىك بەردى.
ء«بىز ءۇشىن وسىنداي اۋقىمدى فورۋمدى ءدال وسى مەرەيتوي جىلى وتكىزۋ ۇلكەن مارتەبە. «قارلىعاش» جاي بالاباقشا عانا ەمەس, بولاشاق ءبىلىم بەرۋدىڭ زاماناۋي تاسىلدەرى مەن قۇندىلىقتارى قالىپتاساتىن يننوۆاتسيالار فلاگمانى», دەدى بالاباقشا ديرەكتورى, پەداگوگيكا عىلىمدارىنىڭ كانديداتى, دوتسەنت گۇلشات وڭلانبەكقىزى.
كونفەرەنتسيانىڭ باستى ماقساتى پەداگوگتەر, عالىمدار مەن باسقارۋشىلار اراسىندا تاجىريبە الماسۋ, مەكتەپكە دەيىنگى ءبىلىم بەرۋ جۇيەسىن دامىتۋداعى يننوۆاتسيالىق تاسىلدەردى تالقىلاۋ جانە حالىقارالىق ىنتىماقتاستىقتى نىعايتۋ بولاتىن.
العاش ساتتەرىنەن باستاپ-اق كونفەرەنتسيادا زاماناۋي باعىتتار ايقىندالىپ, كاسىبي حالىقارالىق ديالوگ قۇرا وتىرىپ, پىكىر الماسۋ كونتەكستى بەلگىلەندى. «قارلىعاش» بالاباقشاسىندا ەكسكۋرسيا جاساۋ فورۋمنىڭ اشىلۋ باعدارلاماسىنىڭ ماڭىزدى بولىگى بولدى, وندا قاتىسۋشىلارعا مەدياشىعارماشىلىق ارقىلى مەكتەپ جاسىنا دەيىنگى بالالاردىڭ كوممۋنيكاتيۆتىك جانە تانىمدىق داعدىلارىن دامىتۋعا ارنالعان اۆتورلىق جوبا مەن بالالاردىڭ جان-جاقتى دامۋىنا باعىتتالعان «باستاۋ» اۆتورلىق باعدارلاماسى تانىستىرىلدى. بۇل تاجىريبە تەوريالىق يدەيالار مەن پراكتيكالىق تاجىريبەنى ۇيلەستىرىپ, مەكتەپكە دەيىنگى ءبىلىم بەرۋدەگى وزەكتى تاسىلدەردى ءارى قاراي تالقىلاۋعا نەگىز بولدى.
پلەنارلىق وتىرىستا نەگىزگى سپيكەرلەر – وقۋ-اعارتۋ مينيسترلىگىنىڭ مەكتەپكە دەيىنگى ءبىلىم بەرۋ دەپارتامەنتىنىڭ ديرەكتورى مانارا اداموۆا, بالالاردى ەرتە دامىتۋ ينستيتۋتىنىڭ ديرەكتورى ءماريا ەرمانوۆا, ماناوكو اكادەميالىق كوورديناتورى ءلاززات بولەباەۆا, سونداي-اق شەتەلدىك ساراپشىلار بايانداما جاسادى. سپيكەرلەردىڭ باياندامالارى مەكتەپكە دەيىنگى ءبىلىم بەرۋدى دامىتۋداعى جاھاندىق ۇردىستەردى, اككرەديتتەۋ جانە ساپانى قامتاماسىز ەتۋ ماسەلەلەرىن, سونداي-اق دۋالدى وقىتۋ مودەلدەرى مەن جاڭا بۋىن پەداگوگتەرىن دايارلاۋ بويىنشا حالىقارالىق تاجىريبەنى كورسەتتى.
«كونفەرەنتسيانىڭ باستى باعىتى – بالا, ونىڭ ۇيلەسىمدى دامۋى جانە سالاۋاتتى بالالىق شاق. ءبىز كاسىبي قاۋىمداستىقتىڭ ءاربىر بالا ءۇشىن ەڭ جاقسى جاعداي جاساۋعا ورتاق ماقساتپەن بىرىكتىرىلگەنىن كورىپ وتىرمىز», دەپ اتاپ ءوتتى ءماريا ەرمانوۆا.
پىكىر الماسۋ پانەلدىك سەسسيالاردا جالعاسىن تاپتى, وندا وقىتۋ مەن تاربيەلەۋدىڭ يننوۆاتسيالىق ادىستەمەلەرى, ۇلتتىق قۇندىلىقتاردى ءبىلىم بەرۋ ۇدەرىسىنە ەنگىزۋ, تريز تەحنولوگيالارى مەن رەدجيو-پەداگوگيكا قولدانۋ ماسەلەلەرى تالقىلاندى. مەديتسينالىق سۇيەمەلدەۋ, ينكليۋزيۆتى پراكتيكا جانە مەكتەپكە دەيىنگى بالالاردا ەكولوگيالىق مادەنيەت قالىپتاستىرۋ دا ماڭىزدى تاقىرىپقا اينالدى.
تاجىريبەلىك دالەل رەتىندە «قارلىعاش: يننوۆاتسيالار ءىس جۇزىندە» پراكتيكالىق تۋر ءوتتى, وندا پەداگوگتەر ناقتى كەيستەردى, سونىڭ ىشىندە «باستاۋ» اۆتورلىق باعدارلاماسىن – ۇلتتىق قۇندىلىقتارعا نەگىزدەلگەن ءبىلىم بەرۋ ورتاسىن قۇرۋ جانە Eسoteam ەكولوگيالىق جوباسىن ىسكە اسىرۋ تۋرالى اتاپ ءوتتى. كونفەرەنتسيانىڭ تاعى ءبىر ماڭىزدى ەلەمەنتى – «مەكتەپكە دەيىنگى ءبىلىم بەرۋدەگى يننوۆاتسيالىق تەحنولوگيالار» كورمەسى, وندا تسيفرلىق شەشىمدەر: ينتەراكتيۆتى قۇم الاڭدارى, دروندار, VR جابدىعى, زاماناۋي پەداگوگيكالىق زەرتحانالار مەن اۆتورلىق ادىستەمەلەر ۇسىنىلدى.
كونفەرەنتسيا قورىتىندىسى بويىنشا قاتىسۋشىلار ۇيىمداستىرۋ دەڭگەيىنىڭ جوعارى بولعانىن جانە باعدارلامانىڭ پراكتيكالىق تۇرعىداعى باعىتىن اتاپ ءوتتى.
«كونفەرەنتسيا ۇيىمداستىرۋشىلىق جاعىنان جوعارى دەڭگەيدە وتكىزىلدى جانە پلەنارلىق, سەكتسيالىق تالقىلاۋلار باعدارلاماسى مازمۇندى بولدى. مۇنداي ءىس-شارالار مەكتەپكە دەيىنگى ءبىلىم بەرۋ جۇيەسىن دامىتۋدا حالىقارالىق ديالوگتىڭ جانە وزىق تاجىريبەلەر الماسۋدىڭ ماڭىزدىلىعىن راستايدى», دەپ اتاپ ءوتتى مانارا اداموۆا.
