جەڭىمپازدى انىقتاۋ بارىسىندا القا مۇشەلەرى التى ساعات بويى تالقىلاعان. سوڭىندا, بارلىق قاتىسۋشىلاردىڭ ءبىراۋىز شەشىمىمەن ء«تان» رومانى ۇزدىك دەپ تانىلعان.
ء«بىزدى وزىنە باۋراپ العان, وزگە تۋىندىلاردىڭ اراسىنان دارالانعان شىعارما – ءدال وسى رومان بولدى. مۇنداي كىتاپتى بۇرىن ەشقاشان وقىماعان ەدىك» دەگەن باعا بەردى روددي دويل.
51 جاستاعى جازۋشى دەۆيد سالايعا سىيلىقتى وتكەن جىلعى لاۋرەات سامانتا حارۆي 10 قاراشا كۇنى لوندوندا وتكەن سالتاناتتى راسىمدە تابىس ەتتى. ماراپات الىپ تۇرىپ سالاي وقىرماندارىنا بىلاي دەدى: «بۇل رومان ارقىلى ءبىز تاۋەكەلگە باردىق. سول تاۋەكەلدىڭ جاسالعانى مەن ءۇشىن اسا ماڭىزدى».
بيىلعى جىلدىڭ ناۋرىز ايىندا جارىق كورگەن ء«تان» رومانى – اۆتوردىڭ التىنشى كىتابى. شىعارمادا يشتۆان ەسىمدى ۆەنگر ازاماتتىڭ بالالىق شاعىنان باستاپ, ءومىرىنىڭ سوڭعى كەزەڭدەرىنە دەيىنگى جالعىزدىق پەن ىشكى كۇيزەلىس جولى سۋرەتتەلەدى. كىتاپتىڭ ءتىلى مينيماليستىك ءارى جەڭىل, ال باستى كەيىپكەر – ۇنسىزدىگى, جۇمباق بولمىسىمەن ەرەكشەلەنەدى.
