فوتو: وقۋ-اعارتۋ مينيسترلىگى
اتالعان جوبا جاس بۋىنعا جالپىادامزاتتىق قۇندىلىقتاردى سىڭىرە وتىرىپ, ءبىلىمدى, ەڭبەكقور, باسەكەگە قابىلەتتى, ادال ازامات قالىپتاستىرۋعا باعىتتالعانى ءمالىم.
وقۋ-اعارتۋ مينيسترلىگىنىڭ مالىمەتىنشە, وتاندىق ءبىلىم بەرۋ ۇيىمدارىندا تاربيەنىڭ ءبىرتۇتاس ەكوجۇيەسىن قالىپتاستىرۋ ماقساتىندا مينيسترلىكتىڭ ۇيىمداستىرۋىمەن پەداگوگتەر ءۇشىن سەمينار-ترەنيگتەر ۇيىمداستىرىلىپ جاتىر. «ادال ازامات» باستاماسى بويىنشا 23 مىڭنان استام پەداگوگ كاسىبي دايىندىقتان ءوتتى. بۇل ءىس-شارا مەكتەپتەردى ادىستەمەلىك قولداۋ, جوبانىڭ ءمانىن ءتۇسىندىرۋ جانە وڭىرلەردە تاجىريبە الماسۋدى قامتاماسىز ەتۋگە باعىتتالعان.
سونىمەن قاتار, پەداگوگتەر پراكتيكالىق كەيس-سەسسيالار مەن ترەنينگتەر ارقىلى ناقتى ءىس-قيمىل الگوريتمدەرىن جاساپ, جۇمىس جوسپارلارىن ازىرلەدى. بۇل تاجىريبە ۇستازداردىڭ تەوريامەن عانا شەكتەلمەي, ناقتى قادامدار ارقىلى تاربيە جۇمىسىن ءتيىمدى ۇيىمداستىرۋدى مەڭگەرۋىنە باعىتتالدى.
