قاي بانكتەر كاسىپكەرلەرگە كوبىرەك اقشا بەرىپ وتىر؟

كوشباسشىلار مەن ترەندتەر

ەڭ ءىرى بانكتەر اراسىنداعى ايلىق ءوسىم بويىنشا ءابسوليۋتتى كوشباسشى – Bank RBK: +12,5%, جالپى كولەمى 956,2 ملرد تەڭگە. سالىستىرۋ ءۇشىن, ۇزدىك ون بانكتىڭ ورتاشا ايلىق ءوسىمى نەبارى 2,9% بولعان.

جىلدىق ءوسىم ديناميكاسى بويىنشا دا Bank RBK ءبىرىنشى ورىندا – +41,7%, ال توپ-10 بانك بويىنشا ورتاشا ءوسىم 16,1% دەڭگەيىندە. بۇل كورسەتكىش كاسىپكەرلەردىڭ اتالعان قارجى ينستيتۋتىنا دەگەن سەنىمىنىڭ ارتقانىن جانە بانك ديناميكاسىنىڭ تۇراقتى وڭ ترەند ەكەنىن كورسەتەدى.

ايت اكەتەلىك, Bank RBK جەكە تۇلعالاردىڭ دەپوزيتتەر پورتفەلىن ءبىر جىلدا 12,4%-عا ۇلعايتىپ, 608 ملرد تەڭگەگە جەتكىزگەن. ال بانكتىڭ جالپى دەپوزيتتىك پورتفەلى (جەكە جانە كورپوراتيۆتىك) 28,7%-عا ءوسىپ, 1,6 ترلن تەڭگەگە جەتكەن – بۇل دا سەكتورداعى ەڭ جوعارى كورسەتكىشتەردىڭ ءبىرى.

ايلىق ءوسىم بويىنشا ەكىنشى ورىندا – ForteBank (+11,2%, جىلدىق ءوسىم – +23,1%). ۇزدىك ۇشتىكتى Citibank Kazakhstan تۇيىندەدى: ايلىق ءوسىم +7,9%, الايدا جىلدىق كورسەتكىش –5,8% تومەندەگەن. ءتورتىنشى جانە بەسىنشى ورىنداردا Alatau City Bank (+7,3%) جانە Halyk Bank (+5,7%) ورنالاسقان. جالپى, ۇزدىك ون بانكتىڭ ىشىندە جەتى بانك ايلىق ءوسىم كورسەتكەن.

بيزنەستىڭ دەپوزيت تۇرلەرى

قازاقستان بانكتەرىندەگى بيزنەس دەپوزيتتەرىنە اعىمداعى شوتتار, مەرزىمدى جانە جيناق سالىمدارى, سونداي-اق زاڭمەن بەلگىلەنگەن شارتتى دەپوزيتتەر (مىسالى, جەر قويناۋىن پايدالانۋشىلاردىڭ ارنايى شوتتارى جانە ت.ب.) كىرەدى. مۇنداي ونىمدەردىڭ بارلىعى ەلدەگى ءىرى بانكتەردىڭ دەپوزيتتىك جەلىسىندە ۇسىنىلادى.

ەرەكشە ونىمدەر

كەيبىر قارجى ينستيتۋتتارى بيزنەستىڭ وتىمدىلىگىن ارتتىرۋ ءۇشىن ەرەكشە ونىمدەر ۇسىنادى. سولاردىڭ ءبىرى – وۆەرنايت-دەپوزيت, ياعني بار بولعانى ءبىر تاۋلىككە قاراجات ورنالاستىرۋ ارقىلى تابىس تابۋعا مۇمكىندىك بەرەتىن قىسقا مەرزىمدى دەپوزيت. مۇنداي ءونىمدى, اتاپ ايتقاندا, ءوسىم بويىنشا سالالىق كوشباسشى Bank RBK ۇسىنادى.