باعدارلاما جاس ماماندارعا اۋىلدىق جەردە ەڭبەك ەتىپ, ءومىر سۇرۋگە جانە كاسىبي تۇرعىدا دامۋعا جاڭا مۇمكىندىك بەرەدى.
باعدارلامانىڭ ارتىقشىلىقتارى:
- كوتەرمە جاردەماقى: 100 ايلىق ەسەپتىك كورسەتكىش مولشەرىندە بىرجولعى تولەم;
- تۇرعىن ۇيگە جەڭىلدەتىلگەن نەسيە: ساتىپ الۋ نەمەسە سالۋ ءۇشىن 1% جىلدىق مولشەرلەمەمەن (جتسم – 1%);
- نەسيە سوماسى: ەلدى مەكەنگە بايلانىستى 2 500 اەك-كە دەيىن;
- قايتارۋ مەرزىمى: 15 جىلعا دەيىن.
قاتىسۋعا كىمدەر قۇقىلى؟
ءبىلىم, دەنساۋلىق ساقتاۋ, الەۋمەتتىك قورعاۋ, اگروونەركاسىپ, مادەنيەت, سپورت سالالارىنداعى جانە اۋىلدىق وكرۋگ اكىمدەرى اپپاراتىنداعى (اكىم مەن ولاردىڭ ورىنباسارلارىن قوسپاعاندا) مەملەكەتتىك قىزمەتكەرلەر.
نەگىزگى شارتتار:
- تەحنيكالىق, كاسىپتىك, ورتادان كەيىنگى, جوعارى نەمەسە جوعارى وقۋ ورنىنان كەيىنگى ءبىلىمى بار تۇلعالار;
- نەسيە العان مامان كەمىندە 3 جىل ءوز ماماندىعى بويىنشا اۋىلدىق جەردە جۇمىس ىستەۋگە مىندەتتى;
- بۇرىن الىنعان نەسيەلەر بويىنشا مەرزىمى وتكەن بەرەشەكتىڭ بولماۋى.
ءوتىنىم بەرۋ ءتارتىبى:
- اۋىلدىق جەردەن بوس جۇمىس ورنىن تابۋ نەمەسە اكىمدىككە جۇگىنۋ;
- Baspana Market پلاتفورماسىندا تىركەلۋ;
- ونلاين ءوتىنىم بەرىپ, ەتسق ارقىلى قۇجاتتارعا قول قويۋ.
«ديپلوممەن – اۋىلعا!» باعدارلاماسى — جاس ماماندار ءۇشىن ءوز ايماعىن دامىتۋعا, ەڭبەك جولىن باستاۋمەن قاتار باسپانالى بولۋعا تاماشا مۇمكىندىك.
