اتالعان زاۋىت كەلەشەكتە ورتالىق ازياداعى ەڭ ءىرى جاڭا بۋىندى «جاسىل» مەتاللۋرگيالىق نىساننىڭ بىرىنە اينالماق. مۇندا مەتالدىعى 93%, قۇرامىنداعى تەمىر ۇلەسى 90%-دان جوعارى ءونىم الۋ كوزدەلگەن. ناتيجەسىندە, ەلىمىز جاھاندىق بولات قۇيۋ نارىعىندا باسەكەگە قابىلەتتى ءونىمنىڭ جاڭا ءتۇرىن ۇسىناتىن بولادى.
جوبانى «Midrex» ۇدەرىسى بويىنشا تەمىردى تىكەلەي قالپىنا كەلتىرۋدىڭ وزىق تەحنولوگيالارىنا سۇيەنە وتىرىپ ىسكە اسىرۋ جوسپارلانعان. ماماندار اتالعان تەحنولوگيا ەكولوگيالىق تۇرعىدان بۇعان دەيىنگى ءداستۇرلى دومنا وندىرىسىنەن اناعۇرلىم ۇتىمدى ەكەنىن ايتادى. مۇندا كوكستىڭ ورنىنا تابيعي گاز پايدالانىلادى. زاۋىت «سسكوب» اق وندىرگەن توتىققان تەمىركەنى شەكەمتاستارىن وڭدەپ, بولاشاق بولات قۇيۋ تسەحىنا ىستىق بيركەتتەلگەن ءونىم بەرىپ وتىرادى.
«مەملەكەت باسشىسىنىڭ جولداۋىندا تەرەڭ وڭدەلگەن جانە وتاندىق, حالىقارالىق نارىقتا باسەكەگە قابىلەتتى ءونىم ءوندىرۋ – باسىم باعىتتىڭ ءبىرى ەكەنى ايتىلدى. بۇگىن وسى كونسورتسيۋممەن جاسالعان كەلىسىمشارت – ەلىمىزدەگى مەتاللۋرگيا سالاسىن دامىتۋ مەن ونداعى «ERG»-ءدىڭ كوشباسشىلىعىن نىعايتا تۇسەتىن ستراتەگيالىق قادام. ءبىز ەكسپورتقا جاڭا مۇمكىندىكتەر اشاتىن, جاڭا جۇمىس ورىندارىن قۇرىپ, كاسىبي بىلىكتى ادام كاپيتالىنا سەپ بولار جوعارى تەحنولوگيالىق ءوندىرىس قۇرىپ جاتىرمىز», دەدى «ERG» ديرەكتورلار كەڭەسىنىڭ توراعاسى, باس اتقارۋشى ديرەكتورى شۋحرات يبراگيموۆ.
ىستىق بريكەتتەلگەن تەمىر ءوندىرۋ زاۋىتى جوباسىن ەۋرازيالىق توپتىڭ ەنشىلەس كاسىپورنى «QazIron ERG» جشس ىسكە اسىرادى. زاۋىت جىلىنا 2 ملن توننا ءونىم وندىرەدى دەپ جوسپارلانىپ وتىر. جوباعا قۇيىلاتىن جالپى ينۆەستيتسيا كولەمى – 655 ملرد تەڭگە. شامامەن ءبىر مىڭنان استام ادامدى جۇمىسپەن قامتاماسىز ەتەتىن ءوندىرىس ورنى 2029 جىلى ىسكە قوسىلماق.
«بۇل – قازاقستان ءۇشىن مەتاللۋرگيا سالاسىنداعى جاڭا ءداۋىردىڭ باستاۋى بولاتىن اۋقىمدى جوبا. ول «ERG»-ءدىڭ الەمدىك نارىقتاعى پوزيتسيالارىن نىعايتۋعا سەپتەسەدى. وسىنداي ماڭىزدى قادامعا اتسالىسۋ – بىزگە ۇلكەن مارتەبە. «MIDREX Flex» شەشىمدەرى – كەننەن تەمىر ءوندىرۋدىڭ ەڭ ەكولوگيالىق تازا تەحنولوگياسى ەكەنىن اتاپ ءوتۋ كەرەك. ءداستۇرلى ادىسپەن سالىستىرار بولساق, جاڭا تەحنولوگيا ءوندىرىس بارىسىندا ءبولىنىپ شىعاتىن كومىرتەگى قىشقىلىنىڭ كولەمىن 50% تومەندەتەدى», دەدى «Primetals Technologies» كومپانياسىنىڭ ۆيتسە-پرەزيدەنتى ءارى جاھاندىق «Upstream» قۇرىلىمىنىڭ جەتەكشىسى اندرەاس ۆيحبەك.
رەسمي جيىنعا ءوڭىر باسشىسى قۇمار اقساقالوۆ قاتىسىپ, شەتەلدىك كومپانيا وكىلدەرىنە ءوڭىر ەكونوميكاسى دامۋىنىڭ باعىت-باعدارىن اڭداتتى.
«جولداۋدا مەملەكەت باسشىسى ناقتى مىندەتتەر – جاڭا بۋىننىڭ ونەركاسىبىن دامىتۋدى, ەكولوگيالىق تازا تەحنولوگيالاردى ەنگىزىپ, ساپالى جاڭا جۇمىس ورىندارىن اشۋدى قاداپ تاپسىردى. رۋدنىي قالاسىندا ىستىق بريكەتتەلگەن تەمىر وندىرەتىن زاۋىت جوباسى – وسى تاپسىرمالاردى ىسكە اسىرۋدىڭ جارقىن مىسالى. زاماناۋي ءوندىرىس وشاعى وبلىس ەكونوميكاسىنىڭ ءورىسىن كەڭەيتىپ, جاڭا جۇمىس ورىندارىنىڭ اشىلۋىنا, ايماقتا جاڭا يندۋستريالدى ەكوجۇيە قالىپتاستىرۋعا تۇعىر بولادى», دەدى وبلىس اكىمى.
«Midrex» پرەزيدەنتى ك.ءۆۋديدىڭ ايتۋىنشا, اتالعان كومپانيا الەمدە ىستىق بريكەتتەلگەن تەمىر ءوندىرىسى بويىنشا كوشباسشى سانالادى. بۇگىندە بۇل سالاداعى جاھاندىق نارىقتىڭ 90%-ى وسى كومپانيانىڭ ەنشىسىندە. كومپانيا سوڭعى 50 جىل ىشىندە الەمنىڭ 21 ەلىندە 100-دەن استام قوندىرعى ورناتقان.
قوستاناي وبلىسى
