ءىس-شارا بارىسىندا تۇركى حالىقتارىنىڭ مادەني مۇراسىنا ارنالعان جانە تۇركى مەملەكەتتەرى باسشىلارى بەكىتكەن «تۇركى الەمىنىڭ كەلەشەگى – 2040» جانە «TURKTIME» ستراتەگيالىق قۇجاتتارىنا سايكەس دايىندالعان «تۇركى الەمىنىڭ مادەني كودى» اتتى تۇركى الەمىنىڭ مادەني مۇراسىنىڭ كاتالوگى, سونداي-اق وزبەكستان رەسپۋبليكاسى پرەزيدەنتى شاۆكات ميرزيوەۆتىڭ تاپسىرماسىمەن جانە تۇركى ەلدەرى باسشىلارىنىڭ قولداۋىمەن جۇزەگە اسقان كوپتىلدى, كوپتومدىق «تۇركى فولكلورلىق مۇراسى» انتولوگياسى تانىستىرىلدى.
ءىس-شارانىڭ جالعاسى رەتىندە 2025 جىلعى 3 قاراشادا يۋنەسكو-نىڭ 43-سەسسياسىندا قابىلدانعان شەشىمگە سايكەس «15 جەلتوقسان – دۇنيەجۇزىلىك تۇركى ءتىلى توبىنىڭ كۇنى» (World Turkic Language Family Day) بولىپ جاريالانۋىنا ارنالعان جيىن ءوتتى.
تۇركى مادەنيەتى جانە مۇراسى قورىنىڭ پرەزيدەنتى اقتوتى رايىمقۇلوۆا سالتاناتتى ءراسىمدى اشىپ, يۋنەسكو مەن وزبەكستان رەسپۋبليكاسىنا ءىس-شارانى جوعارى دەڭگەيدە ۇيىمداستىرىلۋىنا كورسەتكەن قولداۋى مەن قوناقجايلىلىعى ءۇشىن العىسىن ءبىلدىردى.
اقتوتى رايىمقۇلوۆا قور شىعارعان «تۇركى الەمىنىڭ مادەني كودى» تۇركى الەمىنىڭ مادەني مۇراسى كاتالوگى مەن كوپتىلدى, كوپتومدىق «تۇركى فولكلورلىق مۇراسى» انتولوگياسى جايلى بايانداپ, وسى جوبالاردى جۇزەگە اسىرۋعا ۇلەس قوسقان مامانداردى, عالىمداردى جانە كونسۋلتاتيۆتىك كوميتەت مۇشەلەرىن شىن جۇرەكتەن قۇتتىقتاپ, ولاردىڭ ەڭبەگى مەن ادالدىعى ءۇشىن ريزاشىلىعىن ءبىلدىردى.
«تۇركى الەمىنىڭ مادەني كودى» جوباسىنىڭ كۋراتورى رۋستام مۋزافاروۆ پەن «تۇركى فولكلورلىق مۇراسى» انتولوگياسىن ازىرلەۋگە قاتىسقان وزبەكستاننىڭ بەلگىلى عالىمى جاببور ەشەنقۇلوۆ تا ءسوز سويلەپ, ۇسىنىلعان ەڭبەكتەردىڭ ماڭىزىن اتاپ ءوتىپ, قوردىڭ تۇركى الەمىنىڭ مادەني مۇراسىن ساقتاۋ جولىنداعى قاجىرلى ەڭبەگىن جوعارى باعالادى.
قۇرمەتتى قوناقتاردىڭ قاتارىندا قىرعىز رەسپۋبليكاسى پرەزيدەنتىنىڭ كەڭەسشىسى ارسلان كويچيەۆ, تۇركيا رەسپۋبليكاسىنىڭ ادىلەت جانە دامۋ پارتياسى توراعاسىنىڭ ورىنباسارى, پروفەسسور كۇرشاد زورلى, وزبەكستان عىلىم اكادەمياسىنىڭ ۆيتسە-پرەزيدەنتى, پروفەسسور باحروم ابدۋحاليموۆ بولدى. ولار بۇل تاريحي شەشىمنىڭ تۇركى تىلدەرىنىڭ بايلىعىن حالىقارالىق دەڭگەيدە مويىنداتۋعا ىقپال ەتەتىنىن جانە قوردىڭ بۇل باعىتتا اتقارعان ەڭبەكتەرىن جوعارى باعالادى.
ءىس-شارادا ازەربايجان رەسپۋبليكاسىنىڭ يۋنەسكو جانىنداعى تۇراقتى وكىلى, ەلشى ەلمان ابدۋللاەۆ, قازاقستان رەسپۋبليكاسىنىڭ عىلىم جانە جوعارى ءبىلىم ۆيتسە-ءمينيسترى تالعات ەشەنقۇلوۆ, تۇرىكمەنستاننىڭ فرانتسياداعى ەلشىسى جانە يۋنەسكو جانىنداعى تۇراقتى وكىلى ماقسات چاريەۆ, سونداي-اق ۆەنگريانىڭ يۋنەسكو جانىنداعى تۇراقتى وكىلىنىڭ ورىنباسارى كينگا سيمون ءسوز سويلەدى.
سونىمەن قاتار قازاقستان رەسپۋبليكاسىنىڭ يۋنەسكو جانىنداعى تۇراقتى وكىلى اسقار ابدراحمانوۆ, قىرعىز رەسپۋبليكاسىنىڭ فرانتسياداعى ەلشىسى جانە يۋنەسكو جانىنداعى تۇراقتى وكىلى سادىق شەر-نياز, تۇركيا رەسپۋبليكاسىنىڭ يۋنەسكو جانىنداعى تۇراقتى وكىلى گۇلنۇر ايبەت, وزبەكستان رەسپۋبليكاسىنىڭ يۋنەسكو جانىنداعى تۇراقتى وكىلى كامول مۋحتاروۆ, سونداي-اق تۇركيا يۋنەسكو ىستەرى جونىندەگى ۇلتتىق كوميسسياسىنىڭ توراعاسى, پروفەسسور وجال وعۋز بەلسەندى قاتىستى.
ءىس-شاراعا بەلگيا, ەكۆادور, فرانتسيا, لاتۆيا, ومان, كاتار, ۆەنەسۋەلا جانە چەحيانىڭ يۋنەسكو جانىنداعى تۇراقتى وكىلدىكتەرى, وزبەكستانداعى اككرەديتتەلگەن ديپلوماتيالىق كورپۋس پەن حالىقارالىق ۇيىمدار مۇشەلەرى, تانىمال عالىمدار, مادەنيەت ينستيتۋتتارىنىڭ وكىلدەرى, تۇركى مادەنيەتى مەن مۇراسىنا قىزىعۋشىلىق تانىتقان شەتەلدىك قوناقتار جانە باق وكىلدەرى قاتىستى.
سالتاناتتى ءراسىم ەتنو-فولكلورلىق «TURAN» ءانسامبلى سوليستەرىنىڭ جارقىن ونەر كورسەتۋىمەن جالعاستى. تۇركى مادەنيەتى جانە مۇراسى ەلشىلەرى سانالاتىن توپتىڭ ونەرى قاتىسۋشىلاردىڭ زور ىقىلاسىنا بولەنىپ, ۇزاق قوشەمەتكە يە بولدى.
