انار زينۋاربەكقىزى ىلە قازاق اۆتونوميالىق وبلىسىنىڭ كۇنەس اۋدانىندا ومىرگە كەلگەن. ادەبيەتپەن 2014 جىلدان بەرى اينالىسىپ كەلەدى. شىعارمالارى «باتىس», «ۇلتتار ادەبيەتى» سەكىلدى بەدەلدى باسىلىمداردا جارىق كورگەن.
قالامگەر بايقاۋعا ەسسە اتالىمىنان قاتىسقان. ونىڭ «التى ءجۇز شاقىرىم جول» شىعارماسى ىلە ايماعىنا ارنالعان. ول تۋعان جەرىنىڭ تابيعاتىن, حالقىنىڭ تۇرمىس تىرشىلىگىن, مادەنيەتى مەن بولمىسىن جەتكىزۋدى ماقسات ەتكەن. قىتايداعى ادەبي سىنشى ليۋ ليانچەن انار شىعارمالارىنا «دالا انىندەي كەڭ تىنىستى, ءشوپ پەن بۇلتتىڭ ءيىسى سەزىلەتىن پروزالار» دەپ باعا بەرگەن.
بايقاۋعا 756 ەسسە جانە 339 پروزالىق شىعارما كەلىپ تۇسكەن. ادەبي سىيلىق 2002 جىلدان باستاپ ءار ەكى جىل سايىن بەرىلىپ كەلەدى.
