ءوڭىر باسشىلىعى وبلىس ورتالىعىندا كرەاتيۆتى ورتانى دامىتۋعا باعىتتالعان «ونەرلى شاھار» جوباسىن جۇزەگە اسىرىپ جاتىر. جوبا اياسىندا كوشە مۋزىكانتتارى, سۋرەتشىلەر مەن موبيلوگرافتار اراسىندا بايقاۋلار ۇيىمداستىرىلىپ, بىرنەشە مۋرال سالىنعان. اكادەميكتىڭ كەسكىنى دە اتاۋلى جوبا اياسىندا دۇنيەگە كەلىپ وتىر.
«مۇرال قالانىڭ ورتالىعىندا, اكادەميكتىڭ ەسىمى بەرىلگەن كوشەدە ورنالاسقانىن قالادىق. قانىش ساتباەۆ – بۇكىل عۇمىرىن تۋعان حالقىنا ارناپ, ۇلتتىق مۇددە مەن قوعامدىق يگىلىكتى جوعارى قويعان تۇلعا. «حالقىم مەنەن دە بيىك» دەگەن ءبىراۋىز ءسوزى عۇلامانىڭ ومىرلىك ۇستانىمىن ءدال بەينەلەسە كەرەك. وتانعا قىزمەت قىلۋ جانە ەلدىڭ بولاشاعى ءۇشىن ايانباي ەڭبەك ەتۋ ءدال قازىرگى جاس بۋىن ءۇشىن بەرىك ۇستانىم بولۋعا ءتيىس», دەيدى قالا باسشىسى حاسار حابىلبەكوۆ.
مۇرالدى سالىپ شىققان – تالانتتى ستريت-رايتەرلەر رۋسلان قاسىموۆ پەن ۆلاديمير زۋبكو. ولاردىڭ سوزىنشە, كەسكىننىڭ نەگىزگى يدەياسى – ۇلت پەن ادامزات بورىشىن سەزىنۋ.
پاۆلودار
