العاشقى جارىس تۇركيانىڭ بۋرساسىندا ءوتتى. فينالدا قانداسىمىز بەركە وكۋمۋستى ايقىن باسىمدىقپەن ۇتتى – 6:2, 6:0. ارادا ءبىر اپتا وتكەننەن سوڭ اڭسار اداناداعى دودانىڭ جۇپتىق سايىسىندا ءوزىنىڭ وتانداسى حاقنازار جەتكەربايمەن بىرگە جەڭىس تويىن تويلادى.
ال كۇنى كەشە عانا اڭسار نيەتقاليەۆ الاتاۋ باۋىرايىندا جاڭادان اشىلعان «الاتاۋ» تەننيس ورتالىعىندا ۇيىمداستىرىلعان «J60 Almaty Open» جارىسىندا تەڭدەسسىز دەپ تانىلدى. شەشۋشى سىندا ول قازاقتىڭ تاعى ءبىر دارىندى ويىنشىسى ولجاس ەسەنالىدان ايلاسىن اسىردى – 6:2, 6:2.
