رەسەيدىڭ قازاقستانمەن وينايتىن ويىنشىلارى بەلگىلى بولدى

استانا. 21 ناۋرىز. ەندى ون كۇننەن كەيىن فۋتبولدان قازاقستان قۇراماسى رەسەيمەن جولداستىق كەزدەسۋ وتكىزەدى. وسىعان بايلانىستى فابيو كاپەللو باستاعان رەسەي قۇراماسىنىڭ جاتتىقتىرۋشىلارى اتالعان ويىنعا شاقىرتىلعان فۋتبولشىلاردىڭ ءتىزىمىن جاريالادى. بۇل تۋرالى رەسەي فۋتبول وداعى حابارلادى. سونىمەن 31 ناۋرىزدا حيمكي قالاسىندا وتەتىن ماتچقا ورىستار 24 ويىنشىنى شاقىرىپ وتىر. قاقپاشىلار: ميروسلاۆ لوبانتسەۆ («لوكوموتيۆ» ماسكەۋ), يۋري لودىگين («زەنيت» سانكت-پەتەربۋرگ), ارتەم رەبروۆ («سپارتاك» ماسكەۋ). قورعاۋشىلار: ۆاسيلي بەرەزۋتسكي, گەورگي ششەننيكوۆ (ەكەۋى دە تسسكا, ماسكەۋ), رۋسلان كامبولوۆ, ەلمير نابيۋللين (ەكەۋى دە «رۋبين», قازان), الەكسەي كوزلوۆ («دينامو» ماسكەۋ), ەۆگەني ماكەەۆ, سەرگەي پارشيۆليۋك (ەكەۋى دە «سپارتاك», ماسكەۋ), يۆان نوۆوسەلتسەۆ («روستوۆ» روستوۆ-نا-دونۋ). جارتىلاي قورعاۋشىلار: دەنيس گلۋشاكوۆ («سپارتاك» ماسكەۋ), الان دزاگوەۆ (تسسكا, ماسكەۋ), رومان زوبنين («دينامو» ماسكەۋ), الەكسەي ميرانچۋك («لوكوموتيۆ» ماسكەۋ), پاۆەل موگيلەۆەتس, الەكساندر ريازانتسەۆ (ەكەۋى دە «زەنيت, سانكت-پەتەربۋرگ), ماگومەد وزدوەۆ («رۋبين» قازان). شابۋىلشىلار: دەنيس داۆىدوۆ («سپارتاك» ماسكەۋ), ارتەم دزيۋبا, دميتري پولوز (ەكەۋى دە «روستوۆ», روستوۆ-نا-دونۋ), دميتري ەفرەموۆ (تسسكا, ماسكەۋ), الەكساندر كوكورين («دينامو», ماسكەۋ), ماكسيم كانۋننيكوۆ («رۋبين», قازان). ايتا كەتەيىك, رەسەي اتالعان ويىنعا دەيىن, ياعني 27 ناۋرىز كۇنى 2016 جىلعى ەۋروپا چەمپيوناتىنا ىرىكتەۋ ءتۋرنيرى اياسىندا چەرنوگوريامەن كەزدەسەدى. ال قازاقستان 28 ناۋرىزدا تۋرنير شەڭبەرىندە يسلانديانى قابىلدايدى. بۇعان دەيىن قازاقستان ۇلتتىق قۇراماسىنىڭ جاتتىقتىرۋشىلارى دا الداعى ماتچتارعا شاقىرتىلعان ويىنشىلاردىڭ ءتىزىمىن جاريالاعان بولاتىن. ول تۋرالى مىنا جەردەن بىلە الاسىزدار. ەلامان قوڭىر. دەرەك: رەسەي فۋتبول وداعى. سۋرەت: rsport.ru.