شىعارماشىلىق داعدىلارعا باۋلۋدى ماقسات ەتكەن جاساندى ينتەللەكت سالاسىنداعى ەڭ ءىرى جارىس – FAIO 2025 ىرىكتەۋ كەزەڭىنە 9 ەلدىڭ 50 قالاسىنان 400-دەن استام كوماندا, مىڭنان استام وقۋشى قاتىستى.
وزا شاۋىپ, فينالعا جەتكەن 7 ەلدىڭ 51 كومانداسى باق سىناپ, Google, Huawei, Beeline, Freedom Bank ينجەنەرلەرى دايىنداعان تاپسىرمالاردى دالمە-ءدال ورىنداۋعا تىرىستى. ماڭىزدىسى – ەڭ دۇرىس شەشىمىن تابۋ.
FAIO 2025 وليمپياداسىنىڭ تەحنيكالىق جەتەكشىسى قۋانىش وتەۋدىڭ ايتۋىنشا, Fizmat AI وليمپياداسى بىلتىر رەسپۋبليكالىق دەڭگەيدە وتكەن. بيىل بۇل جارىس العاش رەت حالىقارالىق اۋقىمدا ۇيىمداستىرىلدى. FAIO 2025 وليمپياداسى – كوماندالىق سايىس. ءبىر توپتا ءۇش وقۋشى بار. باستى ماقسات – وقۋشىلاردى شىعارماشىلىق ويلاۋعا تاربيەلەۋ جانە ىزدەنىسكە ۇيرەتۋ. قاتىسۋشىلار عىلىمي, قيىن, يندۋستريادا, شىن ومىردە كەزدەسەتىن قيىن ەسەپتەردى شىعاردى.
وليمپيادادا تاپسىرمانى دۇرىس ورىنداپ, 1-ورىندى رەسەيلىك كوماندا يەلەنسە, قازاقستان كوماندالارى 2 جانە 3-ورىنداردى ەنشىلەدى. جەڭىمپازدار ديپلومدار مەن ارنايى سىيلىقتارمەن ماراپاتتالدى.
بيىلعى جارىستىڭ جۇلدە قورى 5 ميلليون تەڭگەنى قۇرادى.
