تەكسەرۋ بارىسىندا سۇر-جاسىل ءتۇستى, وزىنە ءتان ءيىسى بار قاراسورا تۇقىمداسىنا جاتاتىن وسىمدىككە ۇقساس ەكى ءتۇپ تابىلىپ, تاركىلەندى. سونىمەن قاتار ءۇي اۋلاسىنان ديودتى جارىقپەن, جەلدەتكىشپەن, ەلەكتر قۋاتىن بەرۋگە ارنالعان تايمەرمەن جابدىقتالعان جانە قابىرعالارى ارنايى قاپتالعان فيتوزەرتحانا انىقتالدى.
- بولمەنى قاراۋ كەزىندە ءتارتىپ ساقشىلارى وسىمدىك تەكتەس جەمىستەرى بار ءبىر ۇلكەن قوراپ پەن جاپىراقتارى مەن بۇتالارى سالىنعان ەكى پوليەتيلەن قاپتى تاركىلەدى. ساراپتاما ناتيجەسىندە بۇل زاتتاردىڭ قاراسورا تۇقىمداس وسىمدىكتەر بولۋى مۇمكىن ەكەنى انىقتالدى. اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر, - دەپ حابارلادى ۆەدومستۆودان.
باتىس قازاقستان وبلىسىنىڭ پوليتسيا دەپارتامەنتى قۇرامىندا ەسىرتكى زاتى بار وسىمدىكتەردى زاڭسىز ءوسىرىپ, ساقتاعان ادامنىڭ قازاقستان رەسپۋبليكاسىنىڭ زاڭناماسىنا سايكەس قىلمىستىق جاۋاپكەرشىلىككە تارتىلاتىنىن ەسكە سالادى.
