ۇلتتىق كومپانيا 1 قاراشا كۇنى ساعات 20:00-دەن 5 قاراشا كۇنى ساعات 20:00-گە دەيىن ايماقتا داۋىلدىق ەسكەرتۋ جاريالانعانىن قۇلاعدار ەتتى.
«4 قاراشادا تۇندە وبلىستىڭ باتىسىندا, سولتۇستىگىندە, وڭتۇستىگىندە جاۋىن-شاشىن (جاڭبىر, قار), كوكتايعاق, كۇندىز جاۋىن-شاشىن (جاڭبىر, قار), كوكتايعاق كۇتىلىپ وتىر. 5 قاراشادا قار جاۋىپ, جاياۋ بۇرقاسىن, كوكتايعاق بولادى, وبلىستىڭ باتىسىندا, سولتۇستىگىندە, شىعىسىندا قالىڭ قار جاۋادى. وبلىستىڭ سولتۇستىگىندە, شىعىسىندا تۇمان تۇسەدى. وڭتۇستىك-شىعىستان سوعاتىن جەل وڭتۇستىك-باتىسقا, باتىسقا اۋىسادى, ەكپىنى 15-20, وبلىستىڭ وڭتۇستىگىندە, شىعىسىندا كەي ۋاقىتتاردا 23-28 م/س. اۋا تەمپەراتۋراسىنىڭ 5 قاراشادا تۇندە جانە كۇندىز 5-10 ايازعا دەيىن تومەندەۋى كۇتىلەدى», دەپ حابارلادى ۇلتتىق كومپانيا.
وسىعان بايلانىستى «قازاۆتوجول» تۇرعىنداردان جولدا ءجۇرۋ ەرەجەلەرىن قاتاڭ ساقتاپ, اۋا-رايىنىڭ قولايسىزدىعىن ەسكەرىپ, ۇزاق جولعا شىقپاۋدى سۇرادى.
