م.اشىمباەۆ ساراپشىلارمەن كەزدەسۋدە ەلىمىزدە مەملەكەت باسشىسىنىڭ باستاماسىمەن اۋقىمدى جاڭعىرتۋ باعدارلاماسى ىسكە اسىرىلىپ جاتقانىن اتاپ ءوتتى. پالاتا سپيكەرى پرەزيدەنت جۇكتەگەن مىندەتتەردى ورىنداۋ ءۇشىن مەملەكەتتىك قۇرىلىمدار مەن ساراپتاۋ جانە تالداۋ قاۋىمداستىعىنىڭ كۇش-جىگەرىن بىرىكتىرۋ قاجەت ەكەنىن دە تىلگە تيەك ەتتى. مۇنداي قادام قازاقستاننىڭ ساپالى ەكونوميكالىق وسۋىنە جانە پارلامەنت قىزمەتىن جەتىلدىرۋگە تىڭ سەرپىن بەرەدى.
«ەلىمىزدە ساياسي, ەكونوميكالىق جانە الەۋمەتتىك سالالاردى قامتيتىن ەلەۋلى وزگەرىستەر جۇزەگە اسىرىلىپ جاتىر. پرەزيدەنت قاسىم-جومارت توقاەۆ حالىققا جولداۋىندا ءبىر پالاتالى پارلامەنتكە كوشۋ ماسەلەسىن قوعام مەن ساراپشىلار تالقىلاۋىنا شىعاردى. سونداي-اق قازىرگى تاڭدا كەشەندى ەكونوميكالىق رەفورمالار دا ىسكە اسىرىلۋدا. سونىڭ اياسىندا سالىق جانە بيۋدجەت كودەكستەرى قابىلداندى. سەسسيا بارىسىندا پارلامەنت قۇرىلىس جانە تسيفرلىق كودەكستەردى, سونداي-اق بانكتەر مەن بانك قىزمەتى تۋرالى زاڭدى قارايدى. وسى رەتتە قابىلدايتىن شەشىمدەردى ساراپشىلارمەن بىرلەسىپ, ساپالى تالداۋلار ارقىلى پىسىقتاۋدىڭ ماڭىزى زور», دەدى سەنات توراعاسى.
سونىمەن قاتار م.اشىمباەۆ ساراپشىلاردىڭ باعالاۋى مەن جۇيەلى تالداۋسىز ساپالى زاڭنامالىق شەشىمدەرگە قول جەتكىزۋ مۇمكىن ەمەس ەكەنىن ايتتى. بۇل رەتتە Taldau قاۋىمداستىعى, ياعني – سەنات جانىنداعى ساراپشىلار كلۋبىنىڭ مۇشەلەرى مەن تالداۋ مەكتەبىنىڭ تۇلەكتەرى جانە ساراپتامالىق-تالداۋ سالاسىنداعى كادرلىق الەۋەتتى نىعايتۋعا ارنالعان باسقا دا جوبالار ماڭىزدى ءرول اتقاراتىنى انىق.
«رەفورمالاردى ءساتتى ىسكە اسىرۋ جولىندا ساراپشىلار قاۋىمداستىعىنىڭ ءرولى ايرىقشا مانگە يە. وسىعان بايلانىستى سەنات بىرنەشە جىلدان بەرى كاسىبي الاڭدار قالىپتاستىرىپ, بۇل باعىتتا بەلسەندى جۇمىس جۇرگىزىپ كەلەدى. ساراپشىلار كلۋبى, تالداۋ مەكتەبى, Taldau Forum, Taldau Talks پودكاسى سياقتى جوبالار ساراپشىلار قاۋىمداستىعىن نىعايتۋدى كوزدەيدى. بۇل باعىتتاعى جۇمىستى ءارى قاراي دا جالعاستىرا بەرەمىز. سونىڭ اياسىندا Taldau Lab, وڭىرلەردەگى تالداۋ مەكتەپتەرى سياقتى باستامالار ارقىلى جاڭا فورماتتار مەن الاڭدار قۇرۋدى جوسپارلاپ وتىرمىز», دەدى م.اشىمباەۆ.
كەزدەسۋدە پارلامەنت پەن اناليتيكالىق قاۋىمداستىقتىڭ ىنتىماقتاستىعىن نىعايتۋ ماسەلەلەرى دە جان-جاقتى تالقىلاندى. سونىڭ بارىسىندا زاڭنامالىق قىزمەتتى ساراپتامالىق تۇرعىدان قامتاماسىز ەتۋدى جەتىلدىرۋ جانە ينستيتۋتتار مەن باسقا دا باستامالاردى ءتۇرلى باعىتتار بويىنشا نىعايتۋ جۇمىستارىنا باسا ءمان بەرىلدى. ءىس-شارادا Taldau Lab تالدامالىق زەرتحاناسىن قۇرۋعا جانە Taldau Regions وڭىرلىك باعىتتى دامىتۋعا قاتىستى ۇسىنىستار دا ايتىلدى.
ساپار بارىسىندا سەنات توراعاسى تۇڭعىش اباي ۇلتتىق مەكتەبىنىڭ قۇرىلىسىمەن جانە ءبىلىم ورداسىن جابدىقتاۋ جۇمىستارىمەن دە تانىستى. سونداي-اق ول وڭىرلىك بوچچا فەدەراتسياسىنىڭ ۇجىمىمەن كەزدەستى. وندا ەلىمىزدە اتالعان پاراليمپيادالىق سپورت ءتۇرىن دامىتۋ, سونىڭ ىشىندە ينكليۋزيا مادەنيەتىن كينو ارقىلى دارىپتەۋ باعىتىنداعى باسىمدىقتار ءسوز بولدى. بۇعان قوسا پارلامەنت دەپۋتاتتارى «Almaty Museum of Arts» زاماناۋي ونەر مۇراجايىنا ارنايى باردى.
