فوتو: report.az
Anadolu اگەنتتىگىنىڭ حابارلاۋىنشا, ەڭ اۋىر جاعداي پورتتى دانانگ قالاسىندا تىركەلدى. مۇندا سۋ تاسقىنىنان التى ادام مەرت بولىپ, 19 تۇرعىن ءتۇرلى جاراقات العان. تاعى ءتورت ادام ءالى تابىلعان جوق. مىڭداعان تۇرعىن ءۇي, اۋىل شارۋاشىلىعى القاپتارى مەن ءۇي جانۋارلارى زارداپ شەككەن.
حيۋە قالاسىندا ءبىر ادام قازا تاپسا, بەس جاسار قىز بالا ءىز-ءتۇزسىز جوعالعان. قالادا سوڭعى تاۋلىكتە جاۋىن-شاشىن مولشەرى بۇرىن-سوڭدى بولماعان دەڭگەيگە جەتكەن.
ال, كۋانگنگاي پروۆينتسياسىندا 120-دان استام لاي كوشكىنى تىركەلىپ, ولاردىڭ سالدارىنان كەمىندە ءۇش ادام كوز جۇمعان. جولداردىڭ جابىلۋى سالدارىنان ونداعان ادام كولىكتەرىندە قالىپ قويعان.
تابيعي اپات يۋنەسكو-نىڭ بۇكىلالەمدىك مۇرالار تىزىمىنە ەنگەن ەجەلگى حويان قالاسىن دا اينالىپ وتپەدى. مۇندا سۋ دەڭگەيى كۇرت كوتەرىلىپ, تۋريستەردى قايىقپەن ەۆاكۋاتسيالاۋعا تۋرا كەلگەن.
قاتتى جاۋىن ۆەتنامنىڭ نەگىزگى كولىك قاتىناسىنا دا اسەر ەتىپ, ەل استاناسى حانوي مەن حوشيمين اراسىنداعى تەمىرجول قوزعالىسى ۋاقىتشا توقتاتىلعان. بۇل مىڭداعان جولاۋشىنىڭ ساپار جوسپارىنا كەرى اسەر ەتتى.
