اۋقىمدى ءىس-شارا قوستاناي وبلىسى اكىمدىگى مەن وقۋ-اعارتۋ مينيسترلىگىنىڭ قولداۋىمەن ۇيىمداستىرىلىپ وتىر.
«AgroSkills-2025» رەسپۋبليكالىق بايقاۋى – جاس مامانداردىڭ كاسىبي دايىندىعىن سىناۋمەن قاتار, ەلىمىزدىڭ اگرارلىق ءبىلىم بەرۋ جۇيەسىنىڭ ساپاسىن, كادر دايارلاۋ دەڭگەيىن جانە ستۋدەنتتەردىڭ ءوندىرىس تالاپتارىنا سايكەستىگىن باعالاۋعا مۇمكىندىك بەرەتىن ماڭىزدى الاڭ. بايقاۋعا قاتىسۋشىلار ناقتى وندىرىستىك جاعدايعا بەيىمدەلگەن تاپسىرمالاردى ورىندادى. ولاردىڭ قاتارىندا اۋىلشارۋاشىلىق تەحنيكالارىن ءتيىمدى پايدالانۋ, قۇرال-جابدىقتاردى دياگنوستيكالاۋ جانە جوندەۋ, سونداي-اق زاماناۋي تسيفرلىق تەحنولوگيالاردى قولدانۋ بويىنشا تاجىريبەلىك تاپسىرمالار بار», دەيدى ۇيىمداستىرۋشىلار.
بايقاۋ قورىتىندىسى بويىنشا قوستانايلىق دەنيس ەروشەنكو بارلىق كەزەڭنەن سۇرىنبەي ءوتىپ, جەڭىس تۇعىرىنان كورىندى. جۇلدەلى ەكىنشى ورىنعا اقمولا وبلىسىنان كەلگەن ستانيسلاۆ گونچاروۆ پەن اباي وبلىسىنان كەلگەن نيكيتا كريسمان يە بولدى. ال ءۇشىنشى ورىندى اقتوبە وبلىسىنىڭ وكىلى ارعىن ءالىم, پاۆلودار كوللەدجىنىڭ ستۋدەنتى اسىلجان سامات, جامبىل وبلىسىنان كەلگەن شاحزود شۋحرات ۇلى سىندى جاس مەحانيزاتورلار ءوزارا ءبولىسىپ الدى.
بايقاۋ جەڭىمپازدارى باعالى سىيلىقتارمەن, ماقتاۋ قاعازدارمەن جانە مەدالدارمەن ماراپاتتالدى.
قوستاناي وبلىسى
