«ۋاقىت جەبەسى» اتتى بەستومدىق ەل ءومىرىنىڭ كەيىنگى وتىز جىلداعى ماڭىزدى تۇستارىن قامتيدى. ونىڭ العاشقى تومى مەملەكەتتەگى قوعامدىق-ساياسي وزگەرىستەردى ەكشەۋگە, ساياسي باعا بەرۋگە باعىتتالسا, «تۇعىرى بيىك تۇلعالار» دەپ اتالعان ەكىنشى تومدىققا اۆتوردىڭ ءباسپاسوز بەتتەرىندە ۇلت تاريحىنان ويىپ ورىن الاتىن تاريحي تۇلعالارمەن وربىگەن سۇحباتتارى مەن ماقالالارى ەنگەن. «الاپات سوعىس اقيقاتى» دەپ اتالعان ءۇشىنشى كىتاپ سۇراپىل سوعىس كەزەڭىنىڭ قازاق وقىرمانىنا بۇرىن بەيمالىم, قۇپيا تۇستارىن اشىپ, قايسار جاۋىنگەرلەردىڭ ەرلىگى مەن ءومىر ورنەگىنەن سىر شەرتەدى. ال «ديالوگتەر ءدۇبىرى», «وتباسىلىق ورنەك» دەپ اتالعان كەلەسى كىتاپتاردىڭ دا وقىرمانعا بەرەرى مول.
جىلى جۇزدەسۋدە كەش قوناعى كورەرمەندەر سۇراعىنا جاۋاپ بەرىپ, تاۋەلسىزدىكتىڭ قادىر-قاسيەتى, ەگەمەندىك دەكلاراتسياسى قابىلدانعان تۇستاعى تاريحي وقيعالار تۋرالى بايانداپ, ۇلت مۇراتى, ۇرپاق تاربيەسىنە قاتىستى ويلارىن ورتاعا سالدى.
بۇگىندە كەڭ قولدانىسقا ەنگەن «دوعارىس» (وتستاۆكا), «پىكىرتەرىم» (وپروس), «وقتۇمسىق» (بوەگولوۆكا), «توسىنسىي» (سيۋرپريز), ء«نوپىر شاق» (چاس پيك), «ايلابۇيىم» (پريسپوسوبلەنيە), «زاڭاستار قۇجاتتار» (پودزاكوننىە اكتى) ت.ب. ونداعان سوزدەر مەن تىركەستەردىڭ اۆتورى مارات ءبايدىلدا ۇلى ۇلتتىق ءباسپاسوز بەن تەلەۆيزيادا جەتەكشى قىزمەتتەر اتقارىپ, ۇلت رۋحانياتى مەن مادەنيەتىمىزدىڭ دامۋىنا سۇبەلى ۇلەس قوسىپ كەلەدى.
اسەرلى كەشتە قۇرمانعازى اتىنداعى قازاق ۇلتتىق كونسەرۆاتورياسى ۆوكالدىق ونەر كافەدراسىنىڭ پرو-فەسسورى ساۋلە نۇرعاليەۆا, «كەمەل» شاعىن اۋدانىنداعى «بەلسەندى ءومىر ءسۇرۋ» ورتالىعىنىڭ مۇشەلەرىنەن قۇرالعان «بەۋ, ايداي» اجەلەر ءانسامبلى ونەر كورسەتتى. جينالعاندار مارات ءبايدىلدا ۇلىنىڭ شىعارماشىلىعى مەن ءومىر جولىنان سىر شەرتەتىن فوتوسۋرەتتەر كورمەسىن تاماشالادى.
الماتى
