ازيا چەمپيوناتىندا ەرلەر مەن ايەلدەر 16 سالماق دارەجەسى بويىنشا بوز كىلەمگە شىعىپ, ءوزارا مىقتىنى انىقتايدى. بايراقتى باسەكەنىڭ سالتاناتتى اشىلۋ راسىمىندە تۇركىستان وبلىسى اكىمىنىڭ ورىنباسارى ەرتاي التاەۆ جارىسقا قاتىسۋشىلاردى قۇتتىقتاپ, ساتتىلىك تىلەدى. «قازاق كۇرەسى – حالقىمىزدىڭ ۇلتتىق رۋحى مەن باتىرلىق بولمىسىنىڭ ايناسى. بۇگىن ازيانىڭ ەڭ مىقتى بالۋاندارى كيەلى تۇركىستاندا باس قوسىپ, ءوز ونەرىن كورسەتۋدە», – دەدى ەرتاي كەنجەبەك ۇلى.
سونداي-اق, Qazaq Kuresi اسسوتسياتسياسىنىڭ باس ديرەكتورى دامير بەكبوسىنوۆ پەن UWW ۇيىمىنىڭ باس تورەشىسى ەدمار ابدۋلاەۆ قۇتتىقتاۋ ءسوز سويلەپ, سپورتشىلارعا جەڭىس پەن ساتتىلىك تىلەدى.
بۇل دودادا ەل نامىسىن قازاق كۇرەسىنىڭ تاڭداۋلى شەبەرلەرى قورعايدى. قازاقستان ۇلتتىق قۇراماسىنىڭ ساپىندا 16 بالۋان (8 ەر, 8 ايەل) سىنعا تۇسەدى.
تۇركىستان
