فوتو: pinterest.com
ۇمىتكەردىڭ جامبىل وبلىسىندا سوڭعى ءۇش جىلدا تىركەۋى بولۋىمەن قاتار جاسى 35-تەن اسپاۋى كەرەك. سونداي-اق, باعدارلاماعا قاتىسۋشى مەن ونىڭ وتباسى مۇشەلەرىنىڭ سوڭعى 5 جىل ىشىندە جىلجىمايتىن مۇلكى بولماۋى كەرەك. تاراز قالاسىنىڭ تۇرعىنى قايرات تۇرسىنباەۆ اتالعان باعدارلاما ارقىلى 2024 جىلى باسپانالى بولعان. ول ءبىر جىل بۇرىن باعىن سىناپ باعدارلاماعا قاتىسقانىنا قۋانىشتى.
«حالىققا قىزمەت كورسەتۋ ورتالىعىندا جۇمىس ىستەدىم دە باعدارلاما باستالدى دەگەن حابارلاندىرۋدى كوردىم. بىردەن قۇجاتتارىمدى وتكىزدىم. 15 ملن تەڭگەگە تارازدان 2 بولمەلى ءۇي الىپ, قۋانىشىم قوينىما سىيمادى. وتباسى بانكىنىڭ جاستارعا كوڭىل ءبولىپ, باعدارلاما شىعارعاندارىنا العىس ايتامىن. جاستار, قاپى قالماي قاتىسىپ, باقتارىڭدى سىناڭدار», دەيدى قايرات تۇرسىنباەۆ.
بيىل «اۋليەاتا جاستارى» باعدارلاماسى قولجەتىمدى شارتتارمەن تۇرعىن ءۇي الۋدىڭ تاعى ءبىر قوسىمشا قۇرالىنا اينالادى. 2022 جىلى باستالعان باعدارلاما ارقىلى وسى ۋاقىتقا دەيىن 325 وتباسى قونىس تويىن تويلادى.
«وسى باعدارلاما ارقىلى 35-جاسقا دەيىنگى ازاماتتاردى باسپانامەن قامتۋ جۇرگىزىلۋدە. بيىل اۋليەاتا جاستارىنا 1 ملرد 250 ملن تەڭگە ءبولىندى. اكىمدىك تاراپىنان 1 ملرد قولداۋ بولسا 250 ملندى وتباسى بانكى بەرىپ وتىر. وسى جولى جوسپار بويىنشا 80-نەن استام وتباسى باسپانالى بولادى», دەيدى «وتباسى بانك» جامبىل وبلىستىق فيليالىنىڭ ديرەكتورى نۇرلان سۇلتانوۆ.
ايتا كەتەيىك, جاڭا تۇرعىن ءۇي باعدارلاماسىنا قاتىسۋ تۋرالى وتىنىمدەردى قابىلداۋ www.e-jambyl.kz پورتالىندا قازان ايىنىڭ 28-نەن, قاراشا ايىنىڭ 6-سىنا دەيىن جۇزەگە اسادى. ءوتىنىم بەرۋ ءۇشىن ەتسق (ەلەكتروندى تسيفرلى قولتاڭبا) قاجەت.
ال تۇرعىن ءۇي ساتىپ الۋعا وتباسى بانك 15 ملن تەڭگەگە دەيىن قارىز بەرەدى (ەگەر م ۇلىكتىڭ قۇنى ودان اساتىن بولسا, ساتىپ الۋشى ايىرماشىلىقتى ءوز قاراجاتى ەسەبىنەن تولەي الادى). قاتىسۋشىلاردى ىرىكتەۋ ءۇشىن قۇجاتتاردى باعالاۋ جۇمىسى جۇرگىزىلەدى. باستاپقى جارنا – 10%, نەسيە بويىنشا سىياقى مولشەرلەمەسى – جىلدىق 10% (جتسم 5,2%), نەسيەنىڭ تولەم مەرزىمى – 19 جىلعا دەيىن.
