فوتو: gov.kz
كوميتەت وكىلدەرى الاتاۋ قالاسى اكىمدىگى جانە بايلانىس وپەراتورلارىمەن بىرلەسىپ «زارەچنىي» جانە «جەتىگەن» شاعىن اۋداندارىندا, سونداي-اق «الماتى–قوناەۆ» اۆتوجولىندا بولدى. نەگىزگى نازار تۇراقتى سيگنالدى قامتاماسىز ەتۋ مەن قالا ماڭى جانە شالعاي ايماقتارداعى بايلانىس ساپاسىن ارتتىرۋعا باعىتتالدى.
ساپار اياسىندا «موبايل تەلەكوم-سەرۆيس» كومپانياسىنىڭ بەسىنشى بۋىن (5G) جەلىسىنىڭ العاشقى بازالىق ستانتسياسى ىسكە قوسىلدى. بۇل ينفراقۇرىلىم جەلىنىڭ وتكىزۋ قابىلەتىن ايتارلىقتاي ارتتىرىپ, تۇرعىندارعا جوعارى جىلدامدىقتى ينتەرنەتكە قول جەتكىزۋگە مۇمكىندىك بەرەدى.
ساپار قورىتىندىسى بويىنشا الاتاۋ قالاسى اكىمدىگىندە تەلەكوممۋنيكاتسيا ينفراقۇرىلىمىن دامىتۋ ماسەلەلەرى تالقىلانعان كەڭەس ءوتتى. كەزدەسۋدە 5G جەلىلەرىن كەڭەيتۋ, مەملەكەتتىك مەكەمەلەر مەن تۇرعىن ءۇي ماسسيۆتەرىن جوعارى ساپالى بايلانىسپەن قامتاماسىز ەتۋ جانە وڭىردەگى تسيفرلىق ينفراقۇرىلىمدى جەتىلدىرۋ جوسپارلارى قارالدى.
ءبىلىم بەرۋ سالاسىنا ەرەكشە نازار اۋدارىلدى — جىل سوڭىنا دەيىن الاتاۋ قالاسىنداعى بارلىق مەكتەپتەر جوعارى جىلدامدىقتى ينتەرنەتكە قوسىلماق.
جيىن قورىتىندىسىندا 2025–2027 جىلدارعا ارنالعان الاتاۋ قالاسىن ساپالى ءموبيلدى بايلانىس جانە ينتەرنەتپەن قامتاماسىز ەتۋ جونىندەگى جول كارتاسىنا قول قويىلدى. قۇجات اياسىندا بايلانىس جەلىلەرىن كەزەڭ-كەزەڭىمەن جاڭارتۋ, جاڭا ينفراقۇرىلىم سالۋ جانە الەۋمەتتىك نىسانداردى ينتەرنەتكە قوسۋ جۇمىستارى كوزدەلگەن.
