قوزعالىس وكىلدەرى بۇل مەرەكەنى ەل تاعدىرىن ءوز قولىنا العان, وزگەرىستەرگە باستاماشى جاڭا بۋىننىڭ كۇنى دەپ اتادى.
ء«بىزدىڭ ارقايسىمىز — ەلىمىزدىڭ ءبىر بولشەگىمىز. ءبىرى رينگتە كۇرەسەدى, ءبىرى ساحنادان شابىت بەرەدى. ءبىرى سۋرەت سالادى, ءبىرى بەينەگە تۇسىرەدى. اركىم ءوز ىسىمەن اينالىسادى — ءبارىمىز بىرگە جاڭا ادىلەتتى قازاقستاندى قۇرامىز», — دەلىنگەن قۇتتىقتاۋدا.
ۇيىم جاستاردى ەل بولاشاعىنا نەمقۇرايلى قاراماي, وزىنەن باستالاتىن جاۋاپكەرشىلىكتى سەزىنۋگە شاقىردى.
«رەسپۋبليكا كۇنى — جاي عانا كۇنتىزبەدەگى كۇن ەمەس. بۇل — ونى قۇرىپ جاتقان ادامداردىڭ كۇنى. بۇل — ءبىز, جاۋاپكەرشىلىكتى ءوز موينىمىزعا الىپ, ارەكەت ەتىپ, وزگەرىستەردى وزىمىزدەن باستاۋىمىز. ەل — باسقا ءبىر جەردە ەمەس ەكەنىن ءتۇسىنۋ. ەل دەگەن — ءبىز. بۇل مەن. مەن — قازاقستانمىن», — دەپ اتاپ ءوتتى قوزعالىس وكىلدەرى.
