Respublica Asyq Atu ءتۋرنيرى سپورتشىلاردى, كورەرمەندەردى جانە قۇرمەتتى قوناقتاردى بىرىكتىرىپ, ۇلتتىق رۋحتىڭ ناعىز مەرەكەسىنە اينالدى. فينالدىق ويىندار, كونتسەرتتىك باعدارلاما جانە ۇلتتىق سپورت تۇرلەرىنەن شەبەرلىك ساباقتارى مىڭداعان قالا تۇرعىندارى مەن قوناقتاردى جينادى.
«بۇگىن اسىق ويىنى ارقىلى ءبىز ءوزىمىزدىڭ ءتۇپ-تامىرىمىزعا, ۇلتتىڭ رۋحاني كودى مەن داستۇرىنە قايتا ورالامىز. اسىق اتۋ - بارلىق ۇلتتىق سپورت ءتۇرىنىڭ باستاۋى. ونىڭ تاريحى عاسىرلار قويناۋىنان باستاۋ الادى جانە حالقىمىزدىڭ تۇرمىسىمەن تىعىز بايلانىستى. بۇگىنگى تۋرنير ۇلتتىق سپورتتىڭ حالىقتىق قۇندىلىق ەكەنىن دالەلدەپ وتىر. ءبىز اسىق اتۋدى تەك ءداستۇر رەتىندە ەمەس, قوعامدى بىرىكتىرەتىن زاماناۋي مادەني قۇبىلىس رەتىندە دامىتقىمىز كەلەدى. سەبەبى ۇلتتىق سپورت - جاي عانا ترەند ەمەس. ول - ۇلتتىڭ بولمىسى, رۋحى مەن ءپاتريوتيزمى», - دەدى ءماجىلىس دەپۋتاتى, قازاقستان رەسپۋبليكاسى اسىق اتۋ فەدەراتسياسىنىڭ پرەزيدەنتى ولجاس قۇسپەكوۆ.
قىزۋ تارتىستى وتكەن فينالدىڭ قورىتىندىسى بويىنشا تۋرنير جەڭىمپازى اتانعان اقتوبە وبلىسى, ق ۇلىبەك عارىشبەك ەسىمدى سپورتشىعا قازاقستاندىق Allur اۆتوموبيل كومپانياسى شىعارعان Chevrolet Onix اۆتوكولىگى تابىستالدى.
ەكىنشى ورىن يەگەرى تۇركىستان وبلىسى, ابيلحان تالگار 1 000 000 تەڭگە كولەمىندە سىياقى السا, ءۇشىنشى ورىن العان باتىس-قازاقستان وبلىسى, سلامقۇل باقداۋلەت 500 000 تەڭگەمەن ماراپاتتالدى. بۇدان بولەك, قاتىسۋشىلارعا AMANAT پارتياسى ارنايى 300 000 تەڭگە كولەمىندەگى سىيلىعى پاۆلودار وبلىسى, جازدىقباي كەرىمگە تاعايىندادى.
جارتىلاي فينالدار مەن فينالدىق ويىنداردان قۇرالعان جارىس مارافونى اسىق اتۋ شەبەرلەرىنىڭ جوعارى دەڭگەيىن جانە بۇل سپورت تۇرىنە دەگەن قىزىعۋشىلىقتىڭ ارتىپ كەلە جاتقانىن كورسەتتى.
ء«بىزدىڭ كومپانيانىڭ دنق-سىندا ۇلتتىق قۇندىلىقتار مەن جاسامپازدىق رۋحى بار. اسىق اتۋ ءتۋرنيرىن قولداي وتىرىپ, ءبىز سپورت, مادەنيەت جانە شىعارماشىلىق باستامالار ارقىلى ۇلتتىق سانانى جاڭعىرتۋدى كوزدەيمىز. سپورتشىلارىمىز بەن قاتىسۋشىلارىمىز ەرىك-جىگەر مەن وتانعا دەگەن سۇيىسپەنشىلىكتىڭ ۇلگىسى بولارىنا سەنەمىز», – دەدى ءتۋرنيردىڭ رەسمي سەرىكتەسى, Allur كومپانياسىنىڭ وكىلى ايگۇل احمەتوۆا.
ءتۋرنيردى وتكىزۋ ءۇشىن شىمكەنتتىڭ تاڭدالۋى دا كەزدەيسوق ەمەس. وتكەن جىلى ءدال وسى ءوڭىردىڭ سپورتشىلارى جوعارى ناتيجە كورسەتىپ, باس جۇلدە يەگەرى دە شىمكەنتتىك بولعان ەدى. سوندىقتان 2025 جىلى شىمكەنت قالاسى Respublica Asyq Atu ءتۋرنيرىنىڭ استاناسىنا اينالدى. بۇل ءوڭىردىڭ ۇلتتىق سپورتتىڭ دامۋىنا قوسقان ۇلەسىن ايرىقشا اتاپ وتەدى.
شىمكەنتتەگى تۋرنير قالا مارتەبەسىن اسىق اتۋ سپورتىنىڭ دامۋىنىڭ ورتالىعى رەتىندە بەكىتتى. بۇل جارىس ۇلتتىق سپورتتىڭ ۇرپاقتار مەن وڭىرلەردى بىرىكتىرە الاتىنىن جانە مادەني مۇرامىزدى ساقتاۋدا ماڭىزدى ءرول اتقاراتىنىن دالەلدەدى. Respublica Asyq Atu ءتۋرنيرى كونە ويىننىڭ زاماناۋي سەرپىن الىپ, بۇقارالىق قوزعالىسقا اينالۋىنا زور ۇلەس قوستى.
