الدىمەن الماتىدان ەسىككە دەيىنگى جول شامامەن ءبىر ساعاتقا سوزىلاتىنىن,
ىلە الاتاۋىنىڭ ەتەگىندە ونداعان ەجەلگى قورعان ورنالاسقانىن ايتا كەتكەن ءجون.
سوناۋ 1969 جىلى ارحەولوگتار وسى ماڭنان ساق جاۋىنگەرىنىڭ قابىرىن تاۋىپ, ول تاريحتا «التىن ادام» رەتىندە تانىمال ەكەندىگى بارشامىزعا بەلگىلى. بۇگىندە وسىناۋ تاريحي جادىگەر - قازاقستاننىڭ ۇلتتىق نىشانى ىسپەتتى.
سونىمەن ەرەكشە ساپار بارىسىندا مەديتسينا قىزمەتكەرلەرى ەكسكۋرسيا جەتەكشىسىنىڭ اڭگىمەسىن قىزىعا تىڭداپ, ساقتاردىڭ تۇرمىسى, ءداستۇرى مەن دۇنيەتانىمى تۋرالى ساۋالدار قويدى. كوپشىلىك ءۇشىن ەسىك قورعانىنان تابىلعان كونە جازۋى بار كۇمىس شىنى تۋرالى ەستۋ دە قىزىقتى ەدى. ويتكەنى, عالىمدار ونى تۇركى جازۋىنىڭ العاشقى نۇسقاسىنىڭ ءبىرى دەپ ەسەپتەيدى.
«تاريح ءاردايىم الىستا سياقتى, بىراق ونى ءوز كوزىڭمەن كورگەندە باسقا اسەر الاسىڭ. ءبىز زاماناۋي تەحنولوگيالارمەن جۇمىس ىستەۋگە ادەتتەنگەنبىز, ال مۇندا كەز كەلگەن عىلىمنىڭ ءتۇپ-توركىنى - تاريحتى, جادىگەرلەردى باعالاپ, كوزدىڭ قاراشىعىنداي ساقتاۋدا ەكەندىگىن تۇيسىنەسىڭ», - دەيدى №8 قكا باس مەدبيكەسى اينۇر شاحامانوۆا.
ء«بىز ءومىردىڭ سونشالىقتى نازىك ەكەدىگىن ءجيى سەزىنىپ, شىن مانىندە باعالايمىز. «ەسىك» مۇراجايىندا تاريح پەن مەديتسينا اراسىندا وزىندىك ۇقساستىق بار. ەكەۋىنىڭ دە ءمانى - ساقتاۋ: ەستە ساقتاۋ مەن ءومىردى ساقتاۋ», - دەيدى وتا جاساۋ ءبولىمنىڭ اعا مەدبيكەسى جاننا اققۇلاق.
بۇگىندە «ەسىك» مۇراجاي-قورىعىندا
«التىن ادامعا» ارنالعان ەكسپوزيتسيادان دا بولەك, ساقتارعا قاتىستى جادىگەرلەر, قورعان ماكەتتەرى, ەسكى قونىستاردىڭ ورىندارى بار.
