جىل باسىنان بەرى وڭىردە 32 مىڭنان استام اكىمشىلىك قۇقىق بۇزۋشىلىق انىقتالعان. بۇل كورسەتكىش ەكولوگيالىق مادەنيەتتى ارتتىرۋ جانە زاڭ تالاپتارىن ساقتاۋ ماسەلەسىنىڭ وزەكتىلىگىن ايقىن كورسەتىپ وتىر.
پوليتسيا قىزمەتكەرلەرى اباتتاندىرۋ ەرەجەلەرىن بۇزعان نىسانداردى انىقتاۋ بويىنشا تۇراقتى رەيدتىك ءىس-شارالار جۇرگىزۋدە. ەرەجە بۇزعاندار قاتارىندا ءىرى ساۋدا ورتالىقتارى, دۇكەندەر, شاعىن ءدامحانالار, جانارماي قۇيۋ بەكەتتەرى مەن قۇرىلىس نىساندارى بار.
جۇرگىزىلگەن جۇمىستار ناتيجەسىندە قورشاعان ورتا مەن تۇرعىنداردىڭ دەنساۋلىعىنا قاۋىپ توندىرگەن 472 رۇقساتسىز قوقىس ءۇيىندىسى جويىلدى.
رۇقسات ەتىلمەگەن قالدىقتار ورنىن انىقتاۋ ماقساتىندا پوليتسيا زاماناۋي بەينەباقىلاۋ جۇيەلەرىمەن جابدىقتالعان درونداردى بەلسەندى تۇردە پايدالانىپ كەلەدى.
اۋلالار مەن كىرەبەرىستەردىڭ ءتيىستى كۇتىمىن قامتاماسىز ەتپەگەن 36 پيك (وسي) توراعاسى مەن 14 ءۇي ستارشيناسى اكىمشىلىك جاۋاپكەرشىلىككە تارتىلدى.
سونداي-اق ءوز اۋماعىن قورشاماي, قوقىس جينالۋىنا جول بەرگەن 20 جەر يەسىنە بۇزۋشىلىقتاردى جويۋ تۋرالى نۇسقاما بەرىلدى.
بەلگىلەنبەگەن ورىندارعا قالدىق توككەن 74 جۇرگىزۋشىگە قاتىستى شارالار قابىلداندى. ولاردىڭ كولىكتەرى ايىپپۇل تولەنىپ, لاستانعان اۋماق تازارتىلعانعا دەيىن ايىپتۇراققا قويىلدى.
تەك سوڭعى اپتا ىشىندە وبلىس اۋماعىندا 500-دەن استام قۇقىق بۇزۋشىلىق انىقتالىپ, 4 جۇك كولىگى مەن 33 جەڭىل اۆتوكولىك ۇستالدى.
پوليتسيا دەپارتامەنتى ءوڭىر تۇرعىندارىن قوعامدىق ورىنداردا تازالىق پەن ءتارتىپتى ساقتاۋعا شاقىرادى.
