فوتو: اقوردا
كەلىسسوزدەردە ەنەرگەتيكا سالاسىنداعى ىنتىماقتاستىقتى نىعايتۋ ماڭىزدى تاقىرىپتىڭ ءبىرى بولدى. بۇل باعىتتا ەكى ەلدىڭ دە الەۋەتى مول.
مەملەكەتتەر باسشىلارى جاساندى ينتەللەكتىنىڭ قارقىندى دامىپ كەلە جاتقانىن ەسكەرە وتىرىپ, ءىت سەكتور ەكىجاقتى قاتىناستارعا مول مۇمكىندىك اشاتىنىنا توقتالعان.
قاسىم-جومارت توقاەۆ: «باكۋدە بىلتىردان بەرى قازاقستان-ازەربايجان عىلىم جانە ءبىلىم ورتالىعى قىزمەت ەتەدى»
ەكىجاقتى كۇن تارتىبىندە مادەني-گۋمانيتارلىق سالاداعى ىقپالداستىق ەرەكشە ورىن الادى.
سونداي-اق تاراپتار وڭىرلىك جانە جاھاندىق كۇن ءتارتىبىنىڭ وزەكتى ماسەلەلەرى جونىندە پىكىر الماسقان.
ء«بىز حالىقارالىق ساياساتتىڭ بارلىق وزەكتى ماسەلەلەرى بويىنشا ۇستانىمدارىمىز ۇقساس ەكەنىن اتاپ وتتىك. كوپجاقتى قۇرىلىمدار اياسىنداعى جۇمىستى ۇيلەستىرۋدىڭ ماڭىزىنا ءمان بەرىلدى. وڭىرلىك جانە جاھاندىق دەڭگەيدە بەيبىتشىلىك, قاۋىپسىزدىك پەن تۇراقتىلىقتى نىعايتۋعا ۇمتىلاتىنىمىزدى جەتكىزدىك. بارشاڭىزعا بەلگىلى, پرەزيدەنت يلحام گەيدار وگلۋ اليەۆ پرەزيدەنت ترامپتىڭ بەلسەندى ارااعايىندىعىمەن ۆاشينگتوندا ازەربايجان مەن ارمەنيا اراسىندا بەيبىت دەكلاراتسياعا قول قويىپ, تاريحي ميسسياسىن ورىندادى. قازاقستان مۇنى رەسمي تۇردە قۇپتادى. قول جەتكىزىلگەن كەلىسىمدەر وڭتۇستىك كاۆكازداعى سەنىمدى نىعايتىپ, جالپىعا ورتاق وركەندەۋ ءۇشىن جاڭا مۇمكىندىكتەرگە جول اشادى دەپ ويلايمىن. جالپى, ساپار قورىتىندىسى باۋىرلاس حالىقتاردىڭ يگىلىگى ءۇشىن ستراتەگيالىق سەرىكتەستىك پەن وداقتاستىق رۋحىنداعى قازاق-ازەربايجان قارىم-قاتىناستارىن ودان ءارى دامىتۋعا قوس تاراپ تا دايىن ەكەنىن ايقىن كورسەتەدى», دەدى قاسىم-جومارت توقاەۆ.
يلحام اليەۆ ەكىجاقتى بايلانىستاردىڭ جوعارى دەڭگەيىنە نازار اۋداردى
«حالىقتارىمىزدى ورتاق رۋحاني-مادەني قۇندىلىقتارعا ارقا سۇيەگەن عاسىرلاردان تامىر تارتاتىن دوستىق پەن باۋىرلاستىق قاتىناستار بايلانىستىرادى. بۇل – ءبىزدىڭ مەملەكەتارالىق ىنتىماقتاستىعىمىزدىڭ بەرىك ىرگەتاسى. سوڭعى ءۇش جىلدا ءبىر-بىرىمىزگە وننان اسا ساپار ۇيىمداستىردىق. ىقپالداستىعىمىزدىڭ قانشالىقتى قارقىندى ەكەنىن وسىدان-اق اڭعارۋعا بولادى. ءاربىر كەزدەسۋ, ءاربىر تالقىلاۋ تۇپكى ناتيجەنى كوزدەيدى. بۇگىن ءبىز سالالىق مينيسترلىكتەردىڭ ەسەبى مەن كەلەشەك جوسپارلارىن تىڭدادىق. جۇمىس قورىتىندىسىنا كوڭىل تولادى. ويتكەنى بەلگىلەنگەن مىندەتتەردىڭ ءبارى ورىندالىپ جاتىر. مەملەكەتارالىق كەڭەس اياسىندا قول جەتكىزىلگەن كەلىسىمدەر حالىقتارىمىزدىڭ يگىلىگىنە قىزمەت ەتەدى», دەدى ازەربايجان پرەزيدەنتى.
