فوتو: olympic.kz
ۇلتتىق وليمپيادالىق كوميتەتتىڭ مالىمەتىنشە, ميلاد كاريمي ەركىن جاتتىعۋلاردا 14.133 ۇپاي جيناپ, جالپى تىزىمدە ءتورتىنشى بولىپ فينالعا ءوتتى. كەرمەدەگى جاتتىعۋالاردا 14.200 ۇپاي ەنشىلەپ, جۇلدەگە تالاسادى.
پاريج وليمپياداسىنىڭ كۇمىس جۇلدەگەرى ناريمان كۋربانوۆ ات سناريادىنداعى جاتتىعۋدىڭ ىرىكتەۋ كەزەڭىندە 14.700 ۇپايمەن ەڭ جوعارى كورسەتكىشتى تىركەدى.
ات سناريادىنداعى جاتتىعۋلاردىڭ فينالىندا تاعى ءبىر وتانداسىمىز زەينوللا ىدىرىسوۆ ونەر كورسەتەدى. ول ىرىكتەۋدە 14.300 ۇپاي ەنشىلەدى.
ەركىن جانە ات سناريادىنداعى جاتتىعۋلار بويىنشا فينالدىق باسەكە 24 قازاندا وتەدى. ال كەرمەدەگى جاتتىعۋدا جۇلدەگەرلەر 25 قازاندا انىقتالادى.
بۇل سايىستاردا دياس تويشىبەك, دميتري پوتانين جانە ءىلياس ءازىزوۆ فينالعا شىعا المادى.
