فوتو: istockphoto.com
ەستەرىڭىزگە سالا كەتەيىك, بيىل قازان ايىندا ماڭىزدى باستاما رەتىندە حالىقارالىق Alem.AI جاساندى ينتەللەكت ورتالىعى اشىلدى. بۇل ورتالىق عىلىمي زەرتتەۋلەر, ستارتاپتار مەن حالىقارالىق ىنتىماقتاستىقتى بىرىكتىرەتىن يننوۆاتسيالىق الاڭعا اينالماق.
«مۇندا ءارتۇرلى حالىقارالىق كومپانيالار ۇسىنىلادى. Alem.AI عىلىمي زەرتتەۋلەر, ستارتاپتار جانە جي سالاسىنداعى حالىقارالىق ىنتىماقتاستىق ءۇشىن نەگىزگى پلاتفورما بولۋعا ءتيىس. ورتالىقتىڭ قىزمەتى تسيفرلاندىرۋ سالاسىنداعى قازاقستاندىق شەشىمدەردىڭ ەكسپورتىن كەڭەيتۋدى قامتاماسىز ەتەدى, بۇل تەحنولوگيالىق جانە ەكونوميكالىق وسۋگە سەرپىن بەرەدى. كەلەشەكتە قازاقستان ورتالىق ازيانىڭ زياتكەرلىك حابىنا اينالۋى ءتيىس», دەپ حابارلادى ۇكىمەتتىڭ ءباسپاسوز قىزمەتى.
سونىمەن قاتار ۇكىمەت الداعى بەس جىلدا 1 ميلليوننان استام ازاماتتى جاساندى ينتەللەكت نەگىزدەرىنە وقىتۋدى جوسپارلاپ وتىر. قازىردىڭ وزىندە ەلدەگى 20 جوعارى وقۋ ورنىندا جاڭا ءبىلىم بەرۋ باعدارلامالارى ەنگىزىلدى.
