فوتو: قورعانىس مينيسترلىگىنىڭ ءباسپاسوز قىزمەتى
بيىل ناۋرىزدا سەربيانىڭ نيش قالاسىندا جانە قىركۇيەك ايىندا ليۆەرپۋلدە ( ۇلىبريتانيا) توپ جارىپ, بوكستان ەكى دۇركىن الەم چەمپيونى اتانعان الۋا بالقىبەكوۆا اسكەري انت بەردى.
«پوگون تاعىپ, قارۋلى كۇشتەر قاتارىندا قىزمەت ەتۋ – مەن ءۇشىن ۇلكەن مارتەبە. ارميا ورتالىق سپورت كلۋبىندا قىزمەت ەتۋ سپورتتا دامۋعا جانە قازاقستاندى بەدەلدى حالىقارالىق تۋرنيرلەردە تانىتۋىما مۇمكىندىك بەردى», دەدى ا.بالقىبەكوۆا.
قازاق كۇرەسىنەن ازيا دوداسىنىڭ جۇلدەگەرى, رەسپۋبليكالىق چەمپيوناتتاردىڭ ەكى دۇركىن جەڭىمپازى جانە V دۇنيەجۇزىلىك كوشپەلىلەر ويىندارىنىڭ جەڭىمپازى باقىت قۇساقباەۆا دا سول كۇنى اسكەري انت قابىلدادى.
ا.بالقىبەكوۆا مەن ب.قۇساقباەۆاعا قاتارداعى جاۋىنگەر اسكەري اتاعى بەرىلدى.
قر قورعانىس مينيسترلىگى سپورتتىڭ دامۋىنا جان-جاقتى قولداۋ كورسەتىپ كەلەدى.
